Уйғурларниң телефон алақиси чәклиниватқанлиқиға қарита наразилиқ

Телефон

Абдуришит һаҗи керими йеқинда өзиниң укиси билән сөзләшкәндә, укиси шаңхәйдә уйғурларниң қанунсиз муамилигә учриғанлиқи һәққидә сөз ачқан һаман телефон үзүветилгән.
 
Абдуришит һаҗи керими билән укисиниң телефон сөһбити арқилиқ мәлум болған әһвални шаңхәй шәһәрлик җамаәт хәвпсизлики идарисидин инқилап беқишқа тириштуқ.

Хитайниң баш телефон аппаратидики ханим мухбиримизниң қайси орунға телефон қилидиғанлиқи, нәдин телефон қиливатқанлиқини сорап болғандин кейин, телефон арқилиқ йәнә бир ханимға ойлап көр, бу киши җуңгочә сөзлийәләйдикән' дәп чүшәндүрди. У ханимму йәнә юқириқи соалларни тәкрар сорап болуп, 'шаңхәй шәһәрлик җамаәт хәвпсизлики идариси билән сөлишәмсән? сақлап турғин, телефон номурини ейтип берәй, йезивалғин' дегәндин кейин телефон үзүлүп қалди.

Мухбиримиз йәнә телефон қилип шаңхәй шәһәрлик җамаәт хәвпсизлики идарисиниң телефон номурини алғандин кейин, шу номур бойичә телефон қилғанда, өзини шаңхәй шәһәрлик җамаәт хәвпсизлики идарисиниң, дәп җаваб қайтурған ханим, мухбиримиз сорайдиған суалдин хәвәр тапқандин кейин, башқа бир телефон номурини ейтип бәрди. Әмма у ейтип бәргән бу номурдики телефон тақақ.

Шиветсийидә туруватқан һаҗи абдуришит кериминиң ейтишичә, у қәшқәрдики хотун - балилири билән сөзлишәлмәйватқили үч йилдин ашқан. Һаҗи абдуришит кериминиң қаришичә, бу бир хәлқаралиқ мәсилә.