23 - Mart xoten ayallar namayishi: tutqunlardin biri hamildar ayal

23 ‏ - Mart xoten ayallar namayishida tutqun qilin'ghanlarning ehwali heqqide bügün yeni 21 ‏ - april küni hökümet da'iriliridin yene bir ret ehwal igiliduq. Bügünki igilishimizde tutqunlardin birining hamildar ayal ikenliki, ay ‏ - küni yéqinliship qalghan bolghachqa soraq jeryanida jiddiyliship hushidin ketkenliki ashkarilandi.
Muxbirimiz shöhret hoshur xewiri
2008-04-21
Share
Xoten ayalliri Xoten ayalliri. Süret Youtube tin élindi. Source: Youtube
Youtube.com
 Bir mes'ul xadimning bildürüshiche, hamildar ayal sheherlik ayallar birleshmisining arilishishi bilen shu küni soraqxanidin sheherlik doxturxanigha élip bérilghan. Doxturlar, hamilining bash süyining méngip ketkenlikini we ehwalning xeterliklikini bildürgen. Buning bilen hamildar tutqun wilayetlik doxturxanigha yötkelgen. Emma hamildarning uningdin kéyinki ehwali melum emes.

Saqchi idarisi: " bizde qiyin - qistaq yoq"

18 ‏ - April yeni jüme küni türkiyidiki sherqi türkistan ma'arip jem'iyiti bilen sa'adet partiyisining yashlar komitéti xotendiki ayal tutqunlarni qoyup bérishni telep qilip, istanbuldiki xitay konsulxanisi aldida namayish ötküzgendin kéyin, biz bu namayishtiki teleplerge qarita xoten sheherlik saqchi idarisining pikrini soriduq. Saqchi terep tutqunlarning ehwalida endishilinerlik ehwal yoqluqini qopalliq bilen bildürdi.

Biz arqidin xoten wilayetlik teshwiqat idarisigha téléfon qilip, tutqunlarning nöwettiki ehwalini soriduq؛ mes'ul xadim melum qilishqa tégishlik uchurlarning hökümet torida élan qilin'ghanliqini, qalghan melumatlarni ashkarilashqa bolmaydighanliqini we mexpiylikini bildürdi.

Sheherlik hökümettiki yene bir mes'ul xadim, weqe yüz bergendin kéyin hökümetning telim ‏ - terbiye xizmitini kücheytkenlikini we weqe yüz bergen küni soraqxoten-ayalliri2-200.jpg Jeryanida hushidin ketken bir hamildar ayalni özlirining doxturxanigha élip barghanliqini bildürdi.

Hamildar ayal éghir xeterge duch kelgen, emma aqiwiti melum emes

Bu mes'ul xadim, weqe sezgür mesile bolghini üchün, hamildarning kéyinki ehwali heqqide uchur alalmighanliqini, bu uchurlarni sorash hoquqi hem yoqluqini bildürdi.

Biz hamildar tutqunning wilayetlik doxturxanigha yötkelgendin kéyinki ehwalini igilesh üchün, wilayetlik ayallar birleshmisige téléfon qilduq. Mes'ul xadim bu heqte melumat bérelmeydighanliqini bildürdi.
 
Xoten shehirining yerlik hökümiti ayallar namayishigha qatnashqan gholluq unsurlarni tutup turuwatqanliqini bayanatida étirap qilghan bolsimu, tutqunlarning sani we ehwali heqqidiki melumatni yoshurup kelmekte. Bizning eyni chaghdiki igilishimizde saqchi tarmaqlirigha yéqin orunlar tutqunlar sanining 600 kishi ikenlikini ashkarilighan idi.

Bizge bügün melum bolghini bulardin peqet birining 23 ‏ - mart künidiki ehwali bolup, uning hazirqi ehwali yenila sir halette turmaqta. Hamildar ayallarda körülidighan bash süyi méngip kétish ehwalining tesiri heqqide amérikida yashawatqan Uyghur doxtur méhrinisa xanim melumat bérip: " hamildar ayalda bash süyi méngip ketken ehwalda ana - bala her ikkisining hayati xeter astida bolidu," dédi.

Mana bu, namayishqa qatnashqan emes, soda ishi bilen namayish etrapida bolup qalghan bir Uyghur hamildar ayal tutqunning ehwalidur.
 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet