Xotenlik erzdar déhqanlar bingtüendiki milliy tengsizlik heqqide shikayet qildi

Shenbe küni tyen'enmén meydanida namayish qilmaqchi bolghanda tutup kétilgen xotenlik Uyghur erzdarlar, düshenbe küni döletlik erziyet idarisigha bérip, 14 ‏- diwiziye da'irilirining paxta, chilan mehsulatlirini erkin bazarda sétishigha ruxset qilmighanliqi heqqide erz qilghan idi. Ular seyshenbe küni döletlik milliy ishlar komitétigha bérip, bingtüenlerdiki milliy tengsizlik heqqide shikayet qilghan.
Muxbirimiz shöhret hoshur
2010.11.11
Uyghur-dixanliri-tyenenmende-tosowelinghan-xoten-dixanliri-305 Süret, xotenning guma nahiyisi qarataghiz yézisidin béyjinggha kelgen bir top déhqanlar, shenbe küni naraziliq namayishi ötküzüsh üchün tyenenmén meydanigha yétip kelgende saqchilar teripidin tosuwélinghan körünüsh.
http://peacehall.com Din élindi.

Uyghur élidiki ishlepchiqirish qurulush armiyisining omumiy nopusi 2 milyon 200 ming dep élan qilin'ghan bolup, bularning 186 mingi yeni 6% ni Uyghurlar teshkil qilidu. Qarataghiz déhqanlirining shikayetliridin melum bolushiche, bingtüendiki Uyghur déhqanlirimu perqliq mu'amililerge duch kelmekte.
 
Yuqiriqidek sewebler tüpeyli, xotenlik erzdarlar tünügün memliketlik milliy ishlar komitétigha bérip, bingtüendiki Uyghurlarning barawersizlik ehwalliri heqqide melumat bergen. Melum bolushiche, milliy ishlar komitétimu erzdarlargha qana'etlinerlik jawab bermigen, peqet mesilisini tekshürüp éniqlaydighanliqi heqqide quruq wede bergen we ularning yurtigha qaytip kétip, tekshürüsh guruppisini kütishini buyrighan.

Uyghur élida nöwette yiza igilik ishlepchiqirishi közlük hosul yighish peslining axirqi basquchida turmaqta. Mezkur erzdarlarning mehsulatliri téxi yighiwélinmighan bolup, ularning mehsulatliri baghda sésip kétish we yaki mezkur jaydiki chilan karxanisi teripidin mejburiy yighip kétilish xewpi astida turmaqta. Shunga erzdarlar da'irilerning mesilige jiddiy tedbirini qollinishini, yeni da'irilerning töwendiki bingtüen rehberlikige biwaste téléfon qilip, déhqanlarning mehsulatlirini erkin bazarda sétishigha yol qoyush heqqide buyruq bérishni we yaki tézdin mezkur yézigha tekshürüsh guruppisi ewetishni telep qilmaqta.

Igilishimizche, bu erzdarlarni qayturup ekitish üchün béyjinggha kelgen bingtüen saqchi we kadirliri tünügündin bashlap, ulargha qaytip kétish heqqide terbiye bérishtin tehdit sélishqa ötken. Erzdarlarning birining bildürüshiche, nöwette bu erzdarlarning ikki neper yétekchisige bingtu'en saqchiliri ayrim halda idiyiwiy xizmet ishlesh nami astida tehdit salmaqta.

Yuqiridiki awaz ulinishidin, bu heqtiki melumatimizning tepsilatini anglaysiler.


 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.