Хотән диханлири зарахәтмә үчүн 500 дин 5000 йүәнгичә җәриманә төлигән

Зарахәтмә өткүзүш уйғур өрп - адәтлириниң бир қисмидур. Уйғурлар зарахәтмә арқилиқ тарихида өткән улуғ шәхсләргә һөрмитини билдүриду вә өзлириниң ахирәтлики үчүн саваплиқ издәйду.
Мухбиримиз шөһрәт һошур
2009-04-01
Share
uyghur-boway-305.jpg Уйғур кочилириниң биридә кетип барған уйғур бовай.
RFA Photo

26 ‏ - Март йәни өткән пәйшәнбә күни хотән вилайитиниң һәрқайси җайлиридин топланған 300 дин артуқ киши қарақаш наһийисидики имами шакир заратгаһлиқида зарахәтмә өткүзгән.

Җамаәт, чүштин кейин саәт 2 болғанда, 15 хитай сақчилири тәрипидин қоршавға елинған вә заратгаһлиқтин 5 километир мусапидики зава йезилиқ сақчи понкитиға яллап елип барған. Қамалғучилардин бириниң билдүрүшичә, җамаәт сақчи понкитиниң башқурушидики бир чоң йиғин залиға 9 саәт қамап қоюлған.

Нәзир - чирағ өткүзүш вә мазари - машайихларни зиярәт қилиш йеқинқи йиллардин бери бир түркүм яш талиплар тәрипидин бидәт дәп қарилип кәлмәктә вә тәнқидләнмәктә. яш талипларниң қаришичә бу түр өрп - адәтләр, диний тәлимат җәһәттин әқидиниң саплиқини бузуду; иҗтимаий үнүм җәһәттә кишиләрниң тәқдирчилик идийисини күчләндүрүп, ғазат роһини аҗизлаштуриду. Шуңа нөвәттә шәрқи түркистан мустәқиллиқ һәрикитидә актип рол ойнаватқан талип яшлар, тавап вә нәзир чирақларға мурәссәсиз қарши туруп кәлмәтә.

Әмма бу қетим заратхәтмини чәклигүчиләрниң йәни хитай даирилириниң әндишиси, яш талипларниңкидин тамамән башқичә. Даириләрниң қаришичә, уйғурлар кәң - көләмдә топланмаслиқи керәк; топ - топ болуп сәпәр қилмаслиқи керәк. Бундақ қилиш җәмийәт муқимлиғи вә дөләт бихәтәрликигә тәһдит. Бир шаһидниң билдүрүшичә, хитай дәл мушу әндишә билән, зарахәтмигә қетилғанларни җазалиған.
 
Бу қетимқи зарахәтмигә хотән шәһириниң илчи йезисидин 13 киши қатнашқан болуп, улар йәнә өз йезисиниң йезилиқ һөкүмәт бинасиға 3 саәт қамап қоюлған. Шундақла, аридин икки күн өткәндә чоң йиғинда тәнқид қилинған.

Һөрмәтлик пқурмәнләр, әтики программамизда, йезилиқ һөкүмәт башлиқлириниң вәқә һәққидики етираплирини вә соаллиримизға бәргән җаваплирини аңлайсиләр.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт