Xoten dixanliri zaraxetme üchün 500 din 5000 yüen'giche jerimane töligen

Zaraxetme ötküzüsh Uyghur örp - adetlirining bir qismidur. Uyghurlar zaraxetme arqiliq tarixida ötken ulugh shexslerge hörmitini bildüridu we özlirining axiretliki üchün sawapliq izdeydu.
Muxbirimiz shöhret hoshur
2009-04-01
Share
uyghur-boway-305.jpg Uyghur kochilirining biride kétip barghan uyghur boway.
RFA Photo

26 ‏ - Mart yeni ötken peyshenbe küni xoten wilayitining herqaysi jayliridin toplan'ghan 300 din artuq kishi qaraqash nahiyisidiki imami shakir zaratgahliqida zaraxetme ötküzgen.

Jama'et, chüshtin kéyin sa'et 2 bolghanda, 15 xitay saqchiliri teripidin qorshawgha élin'ghan we zaratgahliqtin 5 kilométir musapidiki zawa yéziliq saqchi ponkitigha yallap élip barghan. Qamalghuchilardin birining bildürüshiche, jama'et saqchi ponkitining bashqurushidiki bir chong yighin zaligha 9 sa'et qamap qoyulghan.

Nezir - chiragh ötküzüsh we mazari - mashayixlarni ziyaret qilish yéqinqi yillardin béri bir türküm yash taliplar teripidin bid'et dep qarilip kelmekte we tenqidlenmekte. Yash taliplarning qarishiche bu tür örp - adetler, diniy telimat jehettin eqidining sapliqini buzudu؛ ijtima'iy ünüm jehette kishilerning teqdirchilik idiyisini küchlendürüp, ghazat rohini ajizlashturidu. Shunga nöwette sherqi türkistan musteqilliq herikitide aktip rol oynawatqan talip yashlar, tawap we nezir chiraqlargha muressesiz qarshi turup kelmete.

Emma bu qétim zaratxetmini chekligüchilerning yeni xitay da'irilirining endishisi, yash taliplarningkidin tamamen bashqiche. Da'irilerning qarishiche, Uyghurlar keng - kölemde toplanmasliqi kérek؛ top - top bolup seper qilmasliqi kérek. Bundaq qilish jem'iyet muqimlighi we dölet bixeterlikige tehdit. Bir shahidning bildürüshiche, xitay del mushu endishe bilen, zaraxetmige qétilghanlarni jazalighan.
 
Bu qétimqi zaraxetmige xoten shehirining ilchi yézisidin 13 kishi qatnashqan bolup, ular yene öz yézisining yéziliq hökümet binasigha 3 sa'et qamap qoyulghan. Shundaqla, aridin ikki kün ötkende chong yighinda tenqid qilin'ghan.

Hörmetlik pqurmenler, etiki programmamizda, yéziliq hökümet bashliqlirining weqe heqqidiki étiraplirini we so'allirimizgha bergen jawaplirini anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet