Xoten zaraxetme tutqunliri heqqide yeza emeldarlirining éytqanliri

Uyghur kochilirining biride kétip barghan uyghur boway.

Xoten shehirining ilchi yéza bashlighi hebibullahning bildürüshiche weqening siyaset bilen alaqisi yoq. Bu peqet ijtima'iy tertip saqlash we kishilerning hayatiy bixeterlikini qoghdash üchün, élip bérilghan xelqchil bir tedbir.

Emma mezkur yézining siyasiy - qanun ishlirigha mes'ul sékrétari jür'etning bayan qilishiche bu qétimqi zaraxetme we tutqun qilish ishi jiddiy we sezgür bolghan siyasiy weqe.
Weqede jazalan'ghanlar bolsa, özlirining néme üchün tutqun qilin'ghanliqi we néme üchün jazalan'ghanliqi heqqide yenila heyranliq ichide.

Tereplerning bildürgen bayanliridin qarighanda, zaraxetme birqanche nuqtidin xitay da'irilirini endishige salghan. Buning biri du'a - tilawet ötküzülgen zaratgahliqning yerlik ahaliler teripidin shéhitlik dep qarilishi.
 
Zaratgahliqning jughrapiyilik ornining mehellidin uzaq we pinhan jayda bolushi, xitay da'irilirini endishige salghan yene bir sewep bolushi mumkin. Chünki xitay ötken yili yüz bergen qoshrap weqesidin kéyin, mehelle - koydin uzaq pinhan jaylargha alahide endishe bilen qarimaqta.

Zaraxetmige 400 ge yéqin kishining ishtirak qilishi, xitayni heriketke keltürgen eng chong sewep bolushi mumkin. Chünki xitay da'iriliri diniy pa'aliyetlerning mezmunigha cheklime qoyush bilen bille, pa'aliyetke qatnashqanlarning sanigha chek qoyup kelmekte.

Xitay Uyghurlarning diniy pa'aliyetlerning mezmun we sheklini özlirining muqimliq éhtiyajigha uyghun shekilde qaytidin qurashturmaqta. Hej mesiliside tarqaqliqqa qarshi turghan xitay, héyt we jüme namazliri we du'a - tilawetlerde tarqaqliqni teshebbus qilmaqta.

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar