Хотәндә бир хитай әмәлдар вә бир сақчи өлтүрүлгән

Йеқинда исмини ашкарилашни халимиған бирси радиомизға учур йоллап, бу һәптә ичидә хотәндә бир хитай әмәлдари вә бир қатнаш сақчисиниң уйғурлар тәрипидин өлтүрүлгәнликидәк вәқәниң йүз бәргәнликини билдүрди. Бу учурға асасән әһвал игилигинимиздә һәқиқәтән мушундақ вәқәниң болғанлиқи, нөвәттә икки гумандар уйғурниң қолға елинғанлиқи һәққидә мәлуматларға игә болдуқ.
Мухбиримиз ирадә
2010-11-11
Share
qeshqer-saqchi-charlash-305 Радиомизға ианә қилинған бу сүрәттә, хитай қораллиқ сақчилириға қилинған һуҗум йүзбәргән қәшқәр шәһириниң али меһманханисиниң партилитиветилгән алди ишики алдида чарлаш елип бериватқан хитай сақчилири вә бир сайаһәтчиниң көрүнүши.
RFA Photo

Биз радиомизға кәлгән учурни тапшуруп алғандин кейин, һәқиқәтән мушундақ бир әһвалниң йүз бәргән яки йүз бәрмигәнликини вә вәқәликниң тәпсилатини билип беқиш үчүн хотәнгә телефон қилип, әһвал игиләшкә тириштуқ. Биз хотәндики мәлум бир меһманханиға телефон қилип әһвални сориғинимизда, у хитай қиз өзиниң шундақ гәпни аңлиғанлиқини ейтти.
 
- Һә, мән аңлидим. Лекин мән тәпсилатини ениқ уқмаймән. Улар шундақ дәйду.
- Улар дегән киму, хизмәтдашлириңизму?
- Мушу йәрдә ишләйдиғанлар, меһманлардин аңлиғантим.
- Улар немә дегән иди ?
- Шу, ишқилип адәм өлтүрүлгәнликини деди.
- У хитай немишқа өлтүрүлүпту, уни билдиңизму?
- яқ. Билмидим.
- Сиз буни қачан аңлидиңиз?
- Икки күнниң алдида.

Биз телефонни қоюп арқидин башқа бир номурға телефон қилғинимизда, телефонимиз хотәндики қатнаш меһманханисиға бағланди. Телефонға җаваб бәргән қизму охшашла өзиниң икки күн аввал аңлиғанлиқини, әмма өзи тәрәққият - ечиш районида болғанлиқтин әһвалдин толуқ хәвәрдар әмәсликини ейтти.

Арқидин биз, хотән шәһәр ичидики аһалиләрниң өйлиригә телефон қилдуқ. Телефонимизға чиққан бир уйғур ханим өзиниң хитай әмәлдарниң өлтүрүлүш вәқәсини билмәйдиғанлиқини, әмма бир қатнаш сақчисиниң өлтүрүлгәнлики вәқәсигә даир билидиғанлирини мундақ баян қилип бәрди.

Бу ханимниң баян қилип бәргәнлиридин қариғанда, ақсудин кәлгән икки гумандар өзини қоғлап кәлгән уйғур қатнаш сақчисини пичақ тиқип өлтүрүвәткән болуп, көзәткүчиләр бу икки вәқәниң бир - биригә четишлиқ болуш еһтималини юқири дәп қаримақта.

Мәлум болғандәк, ақсуда кейинки күнләрдә хитайларға қарши наразилиқ һәрикәтлири арқа - арқилап мәйданға кәлгән иди. Ақсудики вәқә мәйданға кәлгәндин кейин хитай даирилири районниң бихәтәрлик тәдбирлирини қатму-қат чиңитип, гуманлиқ кишиләр дәп қаралғанларни тәқиб астиға елишниму күчәйткән.

Биз игилигән учурлардин бу йил авғустта чарлаш сақчилирини партлитиш вәқәси вә қорал искилати вәқәси қатарлиқ вәқәләргә четишлиқ дәп қариливатқан кишиләрниң һелиһәм хитай сақчилири тәрипидин пүткүл уйғур райони миқясида из қоғлап тутқун қилиниватқанлиқиму мәлум болған.

Бу әһваллардин қариғанда, ақсудин кәлгәнлики илгири сүрүлгән бу икки кишиниң "сиясий җинайәтчи" болуши вә уларниң қечиш җәрянида юқиридики вәқәләрни садир қилған болуши мумкинлики еһтималға йеқин дәп қаралмақта.

Юқиридики аваз улинишидин, бу һәқтики мәлуматимизниң тәпсилатини аңлайсиләр.

 
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт