Японийидә 'шәрқий түркистан миллий инқилабиниң өтмүши вә кәлгүси' намлиқ илмий муһакимә йиғини өткүзүлди

9 - Айниң 26 - күни токйода, "шәрқий түркистан миллий инқилабиниң өтмүши вә кәлгүси" намлиқ илмий муһакимә йиғини өткүзүлгән. Уйғурларға вакалитән бу қетимқи йиғинға қатнашқан д у қ баш катипи долқун әйса әпәнди телефон зияритимизни қобул қилип, йиғинниң асаси мәзмуни тоғрулуқ мәлумат бәрди.
Мухбиримиз әкрәм
2010-09-28
Share
Ilham-Mahmut-yaponlargha-liksiye-305.jpg Сүрәт, 8 - айниң4 - күни йапонийиниң кагушима шәһиридә чақирилған `шәрқий түркистанда немиләр болуватиду` мавзулуқ йиғинниң йиғин зали вә йапонийә уйғур җәмийити мәсули илһам мәхмут әпәндиниң нутуқ сөзләватқан көрүнүши.
RFA Photo / Erkin Tarim

Бу қетимқи паалийәтни тәшкиллигән японийә уйғур җәмийитиниң рәиси илһам әпәнди, бу йиғинниң наһайити мувәппәқийәтлик болғанлиқини тилға алди.

Д у қ баш катипи долқун әйса әпәндиниң билдүрүшичә, у, 9 - айниң 26 - күнидин 10 - айниң 1 - күнигичә, японийидә йәнә бир қисим сиясий паалийәтләрни елип баридикән. У, өзиниң бундин кейинки паалийәтлири тоғрулуқ учур берип, японийиниң бир қисим юқири дәриҗилик һөкүмәт рәһбәрлири билән көрүшидиғанлиқини ейтти. Униң ейтишичә, японийә уйғур җәмийити вә японийидики бир қисим уйғуршунаслар д у қ вәкили үчүн бир қисим сиясий учурушушлар һәм йиғинларни алдин орунлаштурған.

78 - Нөвәтлик хәлқара қәләмкәшләр йиғиниға тәклип қилинған д у қ баш катипи, қәләмкәшләр йиғиниға көзәткүчи сүпити билән қатнашқандин сирт, бу пурсәттин пайдилинип уйғур миллий мәсилисини японийә һөкүмити вә хәлқигә аңлитишқа тиришидиғанлиқини ейтти.

Д у қ баш катипи долқун әйса әпәндиниң билдүрүшичә, нөвәттә японийә - хитай оттурисида давам қиливатқан сиясий сүркилишләр, японийә һөкүмити вә хәлқиниң уйғур мәсилисигә болған һесдашлиқини техиму юқири бир пәллигә көтүргән.

Юқиридики аваз улинишидин, бу һәқтики мәлуматимизниң тәпсилатини аңлайсиләр.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт