Yaponiyidiki Uyghur, tibet we mongghullar birliship namayish ötküzdi

Xitayning 60 yilliqi munasiwiti bilen yaponiye Uyghur jemiyitining teshebbus qilishi bilen yaponiyidiki Uyghur, tibet we mongghullar ortaqliship xitaygha qarshi namayish ötküzgen.
Muxbirimiz erkin tarim
2009.09.29
Yaponiyide--1-Oktebir-namayishi-305.jpg Süret, 9 - ayning 26 - küni, yaponiyining paytexti tokyo shehridiki nigawaday baghchisida yaponiyidiki uyghur, tibet we mongghullar yighilip, xitaygha qarshi naraziliq bayanati élan qilghan we xitay elchixanisighiche shuar towlap namayish qilghan körünüshlerdin biri bolup, sürette, ilham maxmut namayishchilargha nutuq sözlimekte.
RFA Photo / Erkin Tarim

9 - Ayning 26 - küni yaponiye waqti chüshtin kéyin yaponiyining paytexti tokyo shehridiki nigawaday baghchisida yighilip xitaygha qarshi naraziliq bayanati élan qilghan namayishchilar xitay elchixanisining yénighiche shu'ar towlap bérip, xitay elchixanisining aldidiki pochta sanduqigha naraziliq xétini tashlap qoyup tarqilip ketken.

Bu namayishqa tokyoda yashawatqan Uyghurlar, tibetler, mongghullar we yaponlardin bolup, 2 - 3 yüz etrapida kishi qatnashqan. Qollirida Uyghur, tibet, mongghul we yapon bayraqlirini kötürüshken bu namayishchilar, "Uyghur, tibet we mongghullargha erkinlik! Uyghurlargha til, din erkinliki bérilsun!" dégen'ge oxshash shu'arlarni towlashqan.
Yaponiyide--1-Oktebir-namayishi-1-305.jpg
Süret, 9 - ayning 26 - küni, xitayning 60 yilliqi munasiwiti bilen yaponiye uyghur jemiyitining teshebbusi bilen yaponiyidiki uyghur, tibet we mongghullar ortaqliship xitaygha qarshi namayish ötküzgen körünüshlerdin biri.
RFA Photo / Erkin Tarim

Bu namayishni tokyodiki her qaysi metbu'atlarmu neq meydan xewiri qilip tarqatqan.

Namayishni uyushturghan yaponiye Uyghur jem'iyiti bashliqi ilham mexmut ependi bu namayish heqqide melumat berdi.  

Yuqiridiki awaz ulinishidin, bu heqtiki melumatimizning tepsilatini anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.