Yaponiye Uyghur jem'iyiti imza toplash pa'aliyiti élip bardi

Yaponlarning qedimki shinto dinining eqidiside yéngi yilning béshida tengrige ibadet qilish, amet we teleyning bashlinishidin dérek béridu dep qaralghanliqi üchün köpligen yaponlar a'ilisi boyiche ibadetxanilargha bérip, ibadet qilishidu we özlirining bir yilliq tileklirini tileydu.
Ixtiyariy muxbirimiz haji qutluq qadiri
2013.01.03
yaponiye-uyghur-jemiyiti-sato.jpg Yaponiye Uyghur jem'iyitining imza toplash pa'aliyitige qatnashqan, mezkur jem'iyetning bash katipi sato ependi we bashqa ezalar. 2013-Yili 2-yanwar, tokyo.
RFA/Qutluq Haji
u0103-qutluq3.mp3
Anglash Awazni köchürüsh

Yaponiyidiki eng chong ibadetxanilardin biri bolghan tokyodiki yasukuné buzurukwalar qebristanliqi bir nechche künning ichidila milyonlighan özige tawap qilghuchilarni kütüwalidu. Mushundaq adem tashqinigha tolghan ibadetxanining aldida hawaning soghuqluqigha qarimay, yaponiye Uyghur jem'iyiti ilgiriki yillardikidek mexsus orun hazirlap, tawap qilghuchilargha xitaydiki Uyghurlarning siyasiy hayatigha a'it teshwiq waraqlirini tarqitish qatarliq pa'aliyetlerni élip barghan idi. Bu yilqi bu pa'aliyetke tunji qétim qatnashqan Uyghur qizi gülistan ziyaritimizni qobul qilip, öz tesiratini bayan qilip ötti.

Uyghur qizi gülistan yaponiye Uyghur jem'iyitining imza toplash pa'aliyitide tawap qilghuchilargha Uyghur élidiki Uyghurlarning échinishliq ehwalini tonushturdi. 2013-Yili 2-yanwar, tokyo.
Uyghur qizi gülistan yaponiye Uyghur jem'iyitining imza toplash pa'aliyitide tawap qilghuchilargha Uyghur élidiki Uyghurlarning échinishliq ehwalini tonushturdi. 2013-Yili 2-yanwar, tokyo.
RFA/Qutluq Haji

1-Ayning 2-küni, yaponiye Uyghur jem'iyiti bu yilqi yasukuné buzurukwalar qebristanliqi aldidiki pa'aliyetni, özgiche bolghan imza toplash pa'aliyiti bilen birge élip barghan. Bu heqte yaponiye Uyghur jem'iyitining bash katipi sato imza toplash pa'aliyiti heqqide toxtaldi.

Bügün her yilqigha oxshash yasukuné buzurukwalar qebristanliqining aldida Uyghurlar heqqide teshwiqat waraqchilirini tarqattuq. Bügünki pa'aliyetke yaponiye Uyghur jem'iyitidin jem'iy on neper yaponiyilik, Uyghurlardin gülistan qatnashti. Bu yil biz asiyadiki bir qisim döletlerning siyasiy panahliq tiligen Uyghurlarni xitaygha qayturmasliqi toghrisida imza toplash pa'aliyiti élip barduq. Yapon hökümiti arqiliq ulargha bésim ishlitish imza toplash pa'aliyitide 150-200 nepergiche bolghan kishilerning imzasini topliduq. Hawa soghuq, shamal küchlük bolsimu nurghunlighan kishiler imza qoyup berdi.

Yaponiyining iqtisadi, pen-téxnika we ma'arip qatarliq türliride üzlüksiz yardimige ériship kéliwatqan asiyadiki kambodzha, malayshiyadek döletlerning kishilik hoquq ehdinamisini depsende qilip, xitaydek kishilik hoquq depsendichiliki ewj alghan döletke yar yölekte bolushini tosush, yaponiye hökümitining diplomatik yollar bilen sözliship, Uyghurlarning siyasiy panahliqigha hörmet qilishini teshebbus qilishini qolgha keltürüsh üchün, yaponiye Uyghur jem'iyiti bu yilqi imza toplash pa'aliyitini élip barghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.