“Yaponiyini xitaylar mundaq usullar bilen bésiwélishi mumkin” namliq kitab neshr qilindi

Yaponiye hikarirando neshriyati 12-ayning 18-küni “Yaponiyini xitaylar mundaq usullar bilen bésiwélishi mumkin” namliq kitabni neshr qildi.
Ixtiyariy muxbirimiz haji qutluq qadiri
2012.12.20
yaponiyini-xitaylar-besiwalidu-305.jpg Yaponiyide yashawatqan teywenlik xitay medeniyet tarixchisi, obzorchisi xu'ang wénshung ependining bash tehrirlikide neshr qilin'ghan “Yaponiyini xitaylar mundaq usullar bilen bésiwélishi mumkin” namliq kitabning muqawisi. 2012-Yili dékabir, yaponiye.
RFA/Qutluq Haji

Mezkur kitab hazir yaponiyide yashawatqan teywenlik xitay medeniyet tarixchisi, obzorchisi xu'ang wénshung ependining bash tehrirlikide neshr qilin'ghan. Kitab jem'iy 360 bet, ikki bölüm, yette babtin terkib tapqan.

Mezkur kitabning tötinchi babigha, dunya Uyghur qurultiyining mu'awin re'isi ilham mexmutning “Sirtqi dunya bilen alaqisi üzülgen türmining emeliy ehwali” namliq maqalisi, asiyaning erkinliki we démokratiyisini ilgiri sürüsh ittipaq kéngishining re'isi tibetlik pima garpu ependining “Xitaylar tibetni qandaq bésiwaldi”, jenubiy mongghuliye erkin ittipaq partiyisining bash katipi daychinning “Tebi'etning buzulushi we milletlerning assimilyatsiye qilinishi”, manju millitidin bolghan mingka xanimning “Manjuriyining bayliqlirining bulinishi” qatarliq xitaydiki az sanliq milletlerning ehwaligha a'it maqaliler kirgüzülgen. Undin bashqa yaponiyilik nagayam ependining “Xitay sénkaku arilining xitayning ikenlikini dunyagha qandaq teshwiq qiliwatidu?” dégen maqalisimu kirgüzülgen.

Biz mezkur kitab heqqide toluq melumatqa érishish üchün mezkur kitabning aptorliridin biri bolghan dunya Uyghur qurultiyining mu'awin re'isi ilham mexmut ependi bilen téléfon ziyariti élip barduq.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.