Shimaliy yawrupadiki islam dini jem'iyetlirining yighilishida Uyghur mesilisi otturigha qoyuldi

Stokholimda 25 - dékabirdin 27 - dékabirghiche ötküzilgen shimaliy yawrupadiki islam dini jem'iyetlirining yighilishida Uyghur mesilisi otturigha qoyuldi.
Muxbirimiz yalqun
2009.12.28
Share on WhatsApp
Share on WhatsApp
Shimali-Yawropa-Islam-yilliq-yighini-305.jpg Süret, stokholimda 25 - dékabirdin 27 - dékabirghiche ötküzilgen shimaliy yawrupadiki islam dini jemiyetlirining yighilishida uyghur mesilisi toghrisidiki filim körsitiliwatqan körüsh.
RFA Photo / Yalqun

Bu shimaliy yawrupani asas qilghan döletlerdiki islam  dini jem'iyetlirining yilda bir qétim ötküzidighan yighilishi bolup, bu yighilish 20 yildin biri izchil dawamliship kelmekte idi.

Bu qétimqi yighilishta shiwétsiyide pa'aliyet élip bériwatqan Uyghur ma'arip uyushmisining qatnishishi bilen Uyghur mesilisi tunji qétim yighin kün tertipige kirgüzülüp, Uyghurlarning tarixi, medeniyiti we hazirqi siyasi weziyiti heqqide melumat bérildi.

Yighinda Uyghur ma'arip uyushmisi teripidin teyyarlan'ghan Uyghurlar heqqidiki filim körsitilip, filandiyidin kilip yighin'gha qatnashqan éli qarim rawan ereb tili bilen Uyghurlar heqqide doklat berdi.

Ariliqta ziyaritimizni qubul qilghan ma'arip uyushmisining re'isi abdulla ependi bu qétimqi yighin'gha qatnishishidiki meqsiti we yetken ünümliri heqqide toxtilip ötti.

Yighin'gha shimaliy yawrupadiki herqaysi döletlerdin kelgen minglighan kishiler qatnashqandin sirt, ereb elliride nopozgha ige bir qisim diniy ilim igilirimu teklip bilen qatnashqan.


Abdulla ependi yene, mushundaq bir muhim yighilishta Uyghur mesilisini otturigha qoyush pürsitige ige bolushning jeryani heqqide toxtilip ötti.

Yuqiridiki awaz ulinishidin, bu heqtiki melumatimizning tepsilatini anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet