Yawropa parlaménti insan heqliri doklatida Uyghur mesilisige orun bérildi

Yawropa parlaménti 2010-yili 12-ayning 16-küni mexsus yighin chaqirip yer shari xaraktérlik insan heqlirini közitish heqqide bir qarar maqullighan iken.
Ixtiyariy muxbirimiz erkin tarim
2011-05-24
Share
memet-toxti-erkin-tarim-305.jpg Dunya Uyghur qurultiyining yawropa parlaméntidiki wekili memet toxti ixtiyariy muxbirimiz bilen söhbette. 2011-Yili may
RFA/Erkin Tarim

Bu qararning rohi boyiche yawropa insan heqliri komitétining mu'awin re'isi, litwa parlaméntining ezasi la'ima andrikiyene xanim teripidin qelemge élin'ghan insan heqlirige a'it bu doklat ötken hepte élan qilin'ghan.

Uyghur mesilisi tunji qétim bu doklatqa sherqiy türkistan nami bilen kirgüzülgen bolup, doklatta Uyghurlarning siyasiy, iqtisadiy medeniy heq-hoquqlirining depsende qiliniwatqanliqi, xitay hökümitining qesten sherqiy türkistan'gha xitaylarni yötkep, Uyghur medeniyitini yoq qiliwétishke urunuwatqanliqi tekitlen'gen.

Mezkur doklat yawropa birlikige eza döletlerning parlaméntliri hökümetliri we ammiwi teshkilatlirigha ewetilidighan bolup, yawropa parlaménti bu döletlerning xitay bilen bolghan munasiwitide bu mesilini küntertipke élip kélishini tewsiye qilidiken. Dunya Uyghur qurultiyining yawropa parlaméntidiki wekili memet toxti bu doklatta Uyghurlar heqqide némiler déyilgenliki we bu doklatning Uyghur dawasigha bolghan tesiri heqqide tepsiliy melumat berdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.