Yéngisar dihqanlirining awazi -- déhqan sen'etkar hékim siyit sehnidin qoghlandi

Hékim siyit bu yil 33 yash, u piyanino, duttar we tembur qatarliq muzikilarni chalghandin bashqa, eyni waqitta qizziqchi - letipichi. Shé'ir, qoshaqchi, u köp tereplime sen'et mahariti bilen yéngisar nahiyiside tonulghan bir xelq sen'etkari, yurtning toy - töküni, ahale komitétlirining sen'et pa'aliyetliride muzika chélish we uni sin'alghugha élip linta ishlesh uning qoshumche bir hayat yoli.
Muxbirimiz shöhret hoshur
2009-01-29
Share
Dixan-Awaz-Hekim-S-305 'Yéngisarda déhqan bolmaq tes' sin - alghusidin élinghan bu sürette, yéngisarliq uyghur déhqan, bu filimni teyyarlighan hékim siyit, déhqanlar shikayetnamisini oquwatqan körünüsh.
Oqurmenlirimiz ewetken 'yéngisarda déhqan bolmaq tes' namliq sin - alghudin élindi.

Köp tereplime sen'et alahidiliki bilen yéngisar nahiyiside tonulghan bu xelq sen'etkari yekshenbe küni bir chong köngülsizlikke yoluqti. U bu küni söget yézisining qapaqtérek kentide kent ahaliler komitéti teripidin uyushturulghan bir sen'et pa'aliyitige qatnishiwatqan bolup, u del oyun körsitiwatqan pursette sehnidin qoghlandi.

Hékim siyitning sehnidin qoghlinishining sewebi nahayiti éniq we heyran qalarliq: uni sehnidin chüshürüsh buyruqini bergüchining chüshendürüshiche, hékim siyitning siyasiy mesilisi bar, eger u sehnide dawamliq muzika chalsa, buni téléwiziye programmiliri arqiliq nahiye bashliqliri körüp qalidu we sen'et uyushturghuchilargha jaza kélidu.

Démek weqedin melumki, yéngisar nahiyisining rehberliri hékim siyitni körüshni, uning xelq teripidin alqishlinishini xalimaydu. Chünki u, yéqinda intérnétte élan qilin'ghan, "yéngisarda déhqan bolmaq tes" namliq shikayet filimining léntigha alghuchisi, hékim siyit filimni ishligüchila emes, u nahiye xelqi tartqan 40 milyon yüenlik ziyanning mes'uliyitini sürüshte qilip nahiyilik partkom sékrétari yi shyawlyang üstidin erz sun'ghan yolidin qaytmas bir erzdar.

Del mushu sewebtin u sehnidin chüshürüwétilgen we resimge éliniwatqan etrapta turmasliqi telep qilinip ochaq béshigha "palan'ghan." Emma hékim siyit, bu ehwaldin shikayetchi emes, chünki uni xelq söyidu, xelq qedirleydu.

Hékim siyit sehnidin qoghlan'ghandin kéyin, 2 yildin béri qilghan erzining birlirige tesir qilghanliqini emdi tunji qétim hés qilghan, shunga u emgikining pütünley bikargha ketmigenlikidin memnun. U nöwette yene, qanun da'irisi ichide yéngisar déhqanlirining heq - hoquqi uchun, yene dawamliq heriket qilish niyitide.

Hörmetlik oqurmenler, yuqiridiki awaz ulinishidin, yéngisar nahiyisidiki déhqan sen'etkar hékim siyitning sehnidin heydelgenliki heqqidiki xewerning tepsilatini anglaysiler.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet