'Yéngisarda déhqan bolmaq tes' shé'irining aptorigha kelgen jazalar

Yéngisar nahiyisidiki erzdar hékim siyit, eslide bir xelq qoshaqchisi we sazende bolup, ötken yili hökümet orunlirigha erzname yézish bilen birlikte, "yéngisarda déhqan bolmaq tes" namliq shé'ir yézip, jem'iyetke tarqatqan bolup, u shé'irida xitayning déhqanlargha qaratqan siyaset we ijra'atlirini tenqid qilghan.
Muxbirimiz shohret hoshur
2010-10-25
Élxet
Pikir
Share
Print
'Yéngisarda déhqan bolmaq tes' sin - alghusidin élinghan bu sürette, yéngisarliq uyghur déhqan, bu filimni teyyarlighan hékim siyit, hökümet buyruqi bilen térilghan özining jiyangduliqida öz derdini sözlimekte.
'Yéngisarda déhqan bolmaq tes' sin - alghusidin élinghan bu sürette, yéngisarliq uyghur déhqan, bu filimni teyyarlighan hékim siyit, hökümet buyruqi bilen térilghan özining jiyangduliqida öz derdini sözlimekte.
Oqurmenlirimiz ewetken 'yéngisarda déhqan bolmaq tes' namliq sin - alghudin élindi.

Hékim siyit yazghan bu shé'iri sewebidinmu yene bir qatar jazalashlargha yoluqqan. Yéngisar da'iriliri uning toy - tökünlerde saz chélishini chekligen. Buning bilen hékim siyit özining asasliq bir iqtisadiy kirim menbesidin ayrilip qalghan.

"Yéngisarda déhqan bolmaq tes" namliq shé'irning aptori hékim siyit mana bu shé'iri sewebidin bir qatar cheklimilerge yoluqqan. Yéngisar nahiyilik hökümet hékim siyitni toygha chaqirmasliq heqqide ammini agahlandurghan. Bu yil ichide xitay saqchilar uni nechche qétimlap toy sorunliridin élip ketken.
 
Bu yil 7 ‏- ayda yéngisar nahiyiside déhqan - charwichilarning sen'et köriki ötküzülgen. Hékim siyit söget yéziliq hökümetning teshkillishidiki sen'et ömikide milletler ittipaqliqini medhiyilep nomur teyyarlighan. U teyyarlighan nomur amma arisida alqishqa érishken bolsimu, hökümet xadimlirining tallishidin ötmigen we hékim siyit bu körekke qatnashturulmighan.

Melum bolushiche, hékim siyit nöwette yéngisarning qishlaqliridiki qirghiz charwichilarning toy ‏ - tökünliride saz chélip, tirikchilikini dawamlashturmaqta.

Yuqiridiki awaz ulinishidin, bu heqtiki melumatimizning tepsilatini anglaysiler.
 
Toluq bet