Abdulhekimxan mexsum: ziyaliylarning yéteklesh mes'uliyitimu bar

U yene, Uyghur milliy dewasini téximu yuqiri pellige chiqirish üchün ziyaliylarning roligha sel qarashqa bolmaydighanliqini bildürdi.

Herqandaq bir millet yaki qowmning ilim ademliri shu milletning mewjutluqida kem bolsa bolmaydighan amillarning biridur. Emma, türlük bahane-sewebler bilen ziyaliylar sépidiki öz mejburiyitini ada qilmaydighanlar we mes'uliyitini tonumaydighanlar heqqide islam néme deydu?

Biz bu heqte türkiyide yashawatqan diniy ölima abdulhekimxan mexsum hajim bilen söhbet élip barduq.

Abdulhekimxan mexsum hajim diniy we penni ziyaliylar sépide saqliniwatqan passipliqlarning sewebliri we hökümliri heqqide toxtilishtin ilgiri, ziyaliylarning bir millettiki orni we wezipisi heqqide toxtilip, bügünki her sahe Uyghur ziyaliylirining, meyli islamiy nuqtidin bolsun, meyli insaniy nuqtidin bolsun weten-xelqining ghémini yéyish mejburiyiti barliqini testiqlidi.

U, ziyaliylar sépidiki bir qisim kishilerning bügünki Uyghur teqdirige munasiwetlik xizmetlerge sel qaratqanliqini eyiblep, ziyaliylarning millitining istiqbaligha munasiwetlik yollirida xizmet qilishla emes, belki milletni toghra yolgha yéteklesh mes'uliyitimningmu barliqini ilgiri sürdi.

U ziyaliylar sépidiki passipliqning millet rohigha tesir körsitip, Uyghurlarning mejburiyitidin qéchishqa seweb bolidighanliqini we uning aqiwitining xeterliklikini eskertti.

Ziyaliylarda saqliniwatqan bu mesililirini hel qilishning charisi heqqide toxtap mundaq dédi: ulargha köp idiyiwi xizmet ishlesh lazim.