Gollandiye Uyghur birliki yilliq xizmetlirini xulasilidi

Gollandiye Uyghur birliki teshkilati bu bir yilda élip bérilghan musteqil we hemkarliq asasidiki xizmetliridin doklat berdi we tejribe-sawaqlarni yekünlidi hem xulasilidi.
Ixtiyariy muxbirimiz pida'iy
2011.12.28
Share on WhatsApp
Share on WhatsApp
gollandiye-yilliq-xizmet-dokulati-ishtirakchiliri-305.jpg Yilliq xizmet doklati ishtirakchiliri xatire sürette. 2011-Yili 27-dékabir, gollandiye.
RFA/Pidaiy

27-Dékabir küni gollandiye Uyghur birliki teshkilati gollandiyining denhax shehirige jaylashqan parlamént binasida, gollandiye parlamént ezasi, es p partiyisining wekili we gollandiye Uyghurlargha yardem bérish guruppisining yétekchisi xarry fan bommél ependi bilen körüshüp, bu bir yilda élip bérilghan musteqil we hemkarliq asasidiki xizmetliridin doklat berdi we tejribe-sawaqlarni yekünlidi hem xulasilidi.

Iltija ishlirida qiyinchiliqqa yoluqqan Uyghurlardin 40 neper panahlan'ghuchining ishlirigha qaytidin qarap chiqishning zörürlükini bildürüp, bu heqte teyyarlap kelgen matériyallarni sundi.

uyghur-birligi-heyiti-Harry-van-gollandiye-385.jpg
Uyghur birliki hey'iti harry wan bommel ependi bilen söhbette. 2011-Yili 27-dékabir, gollandiye.
RFA/Pidaiy

Xarriy fan bommél ependi xizmetlerge ijabiy baha bergendin kéyin, yéngi yilda qilinishqa tégishlik bolghan xizmetlerdin uchur berdi we yéqindin biri boluwatqan iltija ishliridiki hadisilerge qarita öz köz qarishini bildürüp, “Bu ishlar ademge xuddi xitaylar mexsus adem chiqirip andin qayturup kétiwatqandek, shu arqiliq panahliq ishliri tarmaqlirini Uyghur mesilisige ishinelmes qiliwétip barghandekla tuyulidu” dédi.

Bu pa'aliyetke yene tibet we xitay démokratliri wekillirimu qatnashqan bolup, ularmu öz teshkilatliri we pa'aliyetliri heqqide uchurlarni berdi.

Gollandiye es p partiyisi barghanséri küchiyiwatqan bolup, yéqinda parlaméntta 28 orunni igilep, gollandiyidiki siyasiy partiyiler ichide 2- qatargha ötken idi. Bu munasiwet bilen Uyghurlargha yardem bérish guruppisining kelgüsi heqqide sorighanlirimizda, xarry fan bommél ependi mundaq dédi:
“Es p partiyimiz parlaméntta 28 orunni igilep 2-qatargha ötti. Bu démek, partiyimiz yéqindin yardemde boluwatqan Uyghur, tibet we kurdqa oxshash zulumgha uchrighuchi milletlerning dewa ishlirining gollandiye parlaméntida küchiyishi démektur.”

Pa'aliyet axirlashqandin kéyin Uyghur birliri hey'etliri bilen söhbet élip barduq.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.