Аччиқсудики зәһәрниң мәнбәси шәндуң, зәһәрни хотәнгә йоллиғучи җаң дейүән

Биз бүгүн йәнә гумида 12 уйғурниң өлүмигә сәвәб болған аччиқсудин зәһәрлиниш вәқәси һәққидә йеңи игиләнгән учурларни диққитиңларға сунимиз.
Мухбиримиз шөһрәт һошур
2011.11.30
achchiqsu-lengpung-305 Зәһәрлик аччиқсу
Public Domain

Мухбиримиз өткән һәптә, зәһәрлик аччиқсуни ишләткән ләңпуңчи вә зәһәрлик аччиқсуни сатқан йемәк-ичмәк ширкитиниң мәсулини зиярәт қилған. Зиярәт давамида, зәһәрниң әсли мәнбәси аччиқсуниң ишлинишидә әмәс, аччиқсу қачиланған бакта икәнлики мәлум болған иди. Бүгүн мухбиримиз йемәк-ичмәк ширкитигә мәзкур зәһәрлик бакни сатқан турмуш буюмлири содигири рози тохтини зиярәт қилди. Рози тохти мәзкур зәһәрлик бакниң шәндуңдин елип келингәнликини, бакни тәминлигүчиниң, җаң дейүән исимлик бир хитай тиҗарәтчи икәнликини ашкарилиди.

Юқириқи мәлуматлардин қариғанда, аччиқсудики зәһәрниң мәнбәси шәндуң, зәһәрлик бакни йоллиғучи җаң дейүән исимлик хитай тиҗарәтчи. Әмма, зәһәрниң һәқиқий тәркиби ениқ әмәс. Җаң дейүәнниң зәһәрлик бакни хотәнгә йоллиши аддийла бир диққәтсизликтинму яки хитай җәмийитидә көп учрайдиған мулазимәттики мәсулийәтсизликтинму вә яки амма арисида бәзи кишиләр әндишә қилғандәк, миллий өчмәнликтин келип чиққан бир сүйиқәстму? хитай даирилири, хотәндики асаси қатлам рәһбәрлиригә аччиқсудин зәһәрлиниш вәқәсидин билишкә тегишлик учурларни билиш, билишкә тегишлик болмиғанларни соримаслиқни тәшәббус қилған. Буниңдин қариғанда, юқириқи соалларниң җаваби, пәқәт вә пәқәт хитай даирилириниң 3 айдин бери ахбараттин йошуруп келиватқан вәқә һәққидики тәкшүрүш доклатлирида мәвҗуттур.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.