Хитай һазир шәрқий түркистан уйғур алий кеңиши йиғининиң тәсирини тосушқа урунмақта
2011.04.29
Җаң чүншәнниң уйғур елигә йеңидин партком секретари болуп тәйинлинип, лаостики мәлум бир министирлар йиғиниға қатнишиватқан көрүнүши. 2004-Йили 27-ноябир.
Дуня уйғур қурултийиниң алий кеңәш йиғини америкида ечилиш алдида турғанда, хитай учур васитилири бүгүн хитайниң уйғур аптоном районини “мәсулийәтчан өлкә” дәп, хитай уйғур аптоном райониға қойған коммунист партийә секретари җаң чүншәнни “хәлқсөйәр”, “рәһимдил”, “истиқбаллиқ” рәһбәр дәп тәшвиқ қилишқа башлиди.
Дуня уйғур қурултийиниң баянатчиси дилшат ришитниң қаришичә, бу, шәрқий түркистан уйғур алий кеңиши америкида йиғин ечиш алдида турғанда, хитайниң, дуняға уйғур аптоном райони дегән ялған һөкүмәтни “мәсулийәтчан өлкә” дәп тәшвиқ қилип, бу арқилиқ шәрқий түркистан уйғур алий кеңиши йиғининиң тәсирини тосушқа урунғанлиқи.
Хитайниң тәшвиқатлири, йиллардин буян хитай юртлирида сәргәрдан болуп йүргән уйғур балилирини, җаң чүншәнниң пүтүнләй қайтуруп кәлмәкчи болғанлиқини “мәсулийәтчанлиқ” дәп махтиған. Дуня уйғур қурултийиниң баянатчиси дилшат ришитниң қаришичә, әмма җаң чүншән һазирға қәдәр хитайниң уйғурларға қаратқан кәмситиш сияситини һечбир өзгәрткини йоқ.
Дуня уйғур қурултийиниң баянатчиси дилшат ришит, җаң чүншәнниң өзини “әркәк” дәп махтиғанлиқи вә қилған сөзлириниң һәммисидә уйғур дегән намни һәргиз тилға алмай келиватқанлиқи һәққидиму тохталди. Униң қаришичә, бу, җаң чүншәнниң көчмән хитайларни тарихтин буян бу җайда яшап келиватқан уйғурларниң орниға дәссәтмәкчи болғанлиқи.
Көп көрүлгән хәвәрләр
RFA
- Мутәхәссисләр:“хитайға хушхәвәр болған ишлар уйғурлар үчүн шум хәвәрдур”
- “шинҗаң вәкиллири” “дөләт ортақ тил-йезиқи қануни” ға өзгәртиш киргүзмәкчи
- Көзәткүчиләр: “хитайниң уйғур елидики ислаһат пилани уйғурларни әмәс, бәлки хитайниң өзини бай қилиду”
- Уйғур қуллуқ әмгики мәсилиси әнглийә һөкүмити билән парламент арисидики талаш-тартишқа сәвәб болған
- Әнглийәлик ютубер көргән тақақлиқ мәсчитләр вә роза тутуш чәкләнгән уйғурлар вәзийити диққәт қозғиди