Xitay hazir sherqiy türkistan Uyghur aliy kéngishi yighinining tesirini tosushqa urunmaqta

Xitayning uchur wasitiliri jang chünshenni “Xelqsöyer”, “Rehimdil”, “Istiqballiq” rehber, xitayning Uyghur aptonom rayonini “Mes'uliyetchan ölke” dep maxtashqa bashlidi.
Muxbirimiz weli
2011.04.29
Share on WhatsApp
Share on WhatsApp
Zhang-chunxian-Xinjiang-Uyghur-eli-partiye-sekritari-305 Jang chünshenning Uyghur élige yéngidin partkom sékrétari bolup teyinlinip, la'ostiki melum bir ministirlar yighinigha qatnishiwatqan körünüshi. 2004-Yili 27-noyabir.
AFP Photo

Dunya Uyghur qurultiyining aliy kéngesh yighini amérikida échilish aldida turghanda, xitay uchur wasitiliri bügün xitayning Uyghur aptonom rayonini “Mes'uliyetchan ölke” dep, xitay Uyghur aptonom rayonigha qoyghan kommunist partiye sékrétari jang chünshenni “Xelqsöyer”, “Rehimdil”, “Istiqballiq” rehber dep teshwiq qilishqa bashlidi.

Dunya Uyghur qurultiyining bayanatchisi dilshat rishitning qarishiche, bu, sherqiy türkistan Uyghur aliy kéngishi amérikida yighin échish aldida turghanda, xitayning, dunyagha Uyghur aptonom rayoni dégen yalghan hökümetni “Mes'uliyetchan ölke” dep teshwiq qilip, bu arqiliq sherqiy türkistan Uyghur aliy kéngishi yighinining tesirini tosushqa urun'ghanliqi.

Xitayning teshwiqatliri, yillardin buyan xitay yurtlirida sergerdan bolup yürgen Uyghur balilirini, jang chünshenning pütünley qayturup kelmekchi bolghanliqini “Mes'uliyetchanliq” dep maxtighan. Dunya Uyghur qurultiyining bayanatchisi dilshat rishitning qarishiche, emma jang chünshen hazirgha qeder xitayning Uyghurlargha qaratqan kemsitish siyasitini héchbir özgertkini yoq.

Dunya Uyghur qurultiyining bayanatchisi dilshat rishit, jang chünshenning özini “Erkek” dep maxtighanliqi we qilghan sözlirining hemmiside Uyghur dégen namni hergiz tilgha almay kéliwatqanliqi heqqidimu toxtaldi. Uning qarishiche, bu, jang chünshenning köchmen xitaylarni tarixtin buyan bu jayda yashap kéliwatqan Uyghurlarning ornigha dessetmekchi bolghanliqi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.