Далай лама тибәт тәшкилатлирини тибәт мәсилисиниң келәчики тоғрисидики алаһидә йиғинға чақирди

Тибәт роһани даһиси далай лама җүмә күни сүргүндики тибәт тәшкилатлирини 11 ‏ - яки 12 ‏ - айда һиндистанниң дарамсала шәһиригә йиғилип, тибәтниң келәчики тоғрисида музакирә елип беришқа чақирди.
Мухбиримиз әркин хәвири
2008-09-12
Share

 Сүргүндики тибәт парламентиниң рәиси карма чопел роейтерс агентлиқиға тибәт сәргәрдан парламентиниң далай ламаниң алаһидә йиғин ечиш тоғрисидики чақириқи үстидә дүшәнбә күни музакирә елип баридиғанлиқини билдүргән. Йиғинға сүргүндики тибәт рәһбәрлири, зиялийлири вә тибәт аммиви тәшкилат әзалири қатнишидиған болуп, йиғинда далай лама нутуқ сөзләйдикән. Әгәр бу қетимқи йиғин тосалғусиз ечилса, бу, хитайниң тибәттики бастуруш һәрикити дуняниң һәр қайси җайлирида кәң көләмлик қаршилиққа учрап бир қанчә айдин кейин ечилған йиғин болуп қалиду.

Хитай һөкүмити 3 ‏ - айда йүз бәргән тибәттики исянда далай ламаниң қоли барлиқини илгири сүргән. Лекин далай лама хитайниң бу әйиблишини рәт қилған иди. Далай ламаниң вәкиллири 7 ‏ - айда хитай мәркизи комитет бирликсәп бөлүми билән сөһбәт өткүзгән, кейинки нөвәтлик сөһбәтни 10 ‏ - айда өткүзүшкә келишкән иди.

Дарамсаладики тибәт парламентиниң башлиқи карма чопел 11 ‏ - айдики йиғинда тибәтниң келәчикигә мунасивәтлик кәң даирилик мәсилиләр музакирә қилинидиғанлиқини билдүргән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт