Dalay lama tibet teshkilatlirini tibet mesilisining kélechiki toghrisidiki alahide yighin'gha chaqirdi

Tibet rohani dahisi dalay lama jüme küni sürgündiki tibet teshkilatlirini 11 ‏ - yaki 12 ‏ - ayda hindistanning daramsala shehirige yighilip, tibetning kélechiki toghrisida muzakire élip bérishqa chaqirdi.
Muxbirimiz erkin xewiri
2008-09-12
Share

 Sürgündiki tibet parlaméntining re'isi karma chopél roéytérs agéntliqigha tibet sergerdan parlaméntining dalay lamaning alahide yighin échish toghrisidiki chaqiriqi üstide düshenbe küni muzakire élip baridighanliqini bildürgen. Yighin'gha sürgündiki tibet rehberliri, ziyaliyliri we tibet ammiwi teshkilat ezaliri qatnishidighan bolup, yighinda dalay lama nutuq sözleydiken. Eger bu qétimqi yighin tosalghusiz échilsa, bu, xitayning tibettiki basturush herikiti dunyaning her qaysi jaylirida keng kölemlik qarshiliqqa uchrap bir qanche aydin kéyin échilghan yighin bolup qalidu.

Xitay hökümiti 3 ‏ - ayda yüz bergen tibettiki isyanda dalay lamaning qoli barliqini ilgiri sürgen. Lékin dalay lama xitayning bu eyiblishini ret qilghan idi. Dalay lamaning wekilliri 7 ‏ - ayda xitay merkizi komitét birliksep bölümi bilen söhbet ötküzgen, kéyinki nöwetlik söhbetni 10 ‏ - ayda ötküzüshke kélishken idi.

Daramsaladiki tibet parlaméntining bashliqi karma chopél 11 ‏ - aydiki yighinda tibetning kélechikige munasiwetlik keng da'irilik mesililer muzakire qilinidighanliqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet