تۈركىيەنىڭ خىتايدا تۇرۇشلۇق باش ئەلچىسى ئۇيغۇرلارنىڭ خىتاينىڭ زېمىن پۈتۈنلىكىنى قوغدىشىنى تەلەپ قىلغان

مۇخبىرىمىز ئەركىن
2021-01-18
Share
تۈركىيەنىڭ خىتايدا تۇرۇشلۇق باش ئەلچىسى ئۇيغۇرلارنىڭ خىتاينىڭ زېمىن پۈتۈنلىكىنى قوغدىشىنى تەلەپ قىلغان تۈركىيەنىڭ خىتايدا تۇرۇشلۇق باش ئەلچىسى ئابدۇقادىر ئەمىن ئۆنەن.
Social Media

تۈركىيەنىڭ خىتايدا تۇرۇشلۇق باش ئەلچىسى ئابدۇقادىر ئەمىن ئۆنەن تۈركىيەدىكى ئۇيغۇرلارنىڭ خىتاينىڭ زېمىن پۈتۈنلىكى ۋە «بىر خىتاي پرىنسىپى» نى قوغدىشىنى، تۈركىيەنىڭ خىتاي بىلەن بولغان مۇناسىۋەتلىرىنىڭ تېخىمۇ كۈچىيىشىگە تۈرتكە بولۇشىنى تەلەپ قىلغان.

ئۇنىڭ تەكىتلىشىچە، تۈركىيە خىتاي بىلەن بولغان ھەر جەھەتتىكى مۇناسىۋەتلىرىنى تېخمۇ چوڭقۇرلاشتۇرىدىكەن. ئۇ بۇ سۆزلەرنى 16-يانۋار خىتاي-تۈركىيە دىپلوماتىك مۇناسىۋەت ئورناتقانلىقىنىڭ 50 يىللىقى مۇناسىۋىتى بىلەن تۈركىيەنىڭ ھۆكۈمەت ئاخباراتى — ئانادولۇ ئاگېنتلىقىنىڭ زىيارىتىنى قوبۇل قىلىپ، نۆۋەتتىكى خىتاي-تۈركىيە مۇناسىۋەتلىرىگە باھا بەرگەندە قىلغان.

ئۇ مۇنداق دېگەن: «بىز قېرىنداشلىرىمىزنىڭ، زېمىن پۈتۈنلىكى ۋە ‹بىر خىتاي پرىنسىپى› نى ھەر پۇرسەتتە تەكىتلەپ كەلگەن خىتاي خەلق جۇمھۇرىيىتى بىلەن بولغان مۇناسىۋەتىمىزنىڭ تېخىمۇ كۈچىيىشىگە ھەسسە قوشۇشىنى ئۈمىد قىلىمىز.» ئۇ يەنە تۈركىيە پۇقراسى بولغان ئۇيغۇرلارنىڭ ئۇيغۇر ئېلىدىكى ئۇرۇق-تۇغقانلىرىغا دائىر تەلەپلىرىنى خەلقئارا قانۇن ۋە دىپلوماتىك قاناللار بىلەن سۈرۈشتۈرۈپ كېلىۋاتقانلىقى، بۇ مەسىلىدىكى «سەزگۈرلىكى ۋە تەلەپلىرىنى ئالاقىدار خىتاي ئورۇنلىرىغا ھەر دەرىجىدە يەتكۈزۈپ كەلگەنلىكى ۋە داۋاملىق يەتكۈزۈدىغانلىقى» نى بىلدۈرگەن، ئەمما ئۇنىڭ نەتىجىسىنىڭ قانداق بولغانلىقىنى چۈشەندۈرمىگەن.

ئابدۇقادىر ئەمىن ئۆنەن ئۇيغۇر ئېلىنى زىيارەت قىلماسلىق، بۇ رايوندىكى لاگېرلاردا يېتىۋاتقان تۈركىيە پۇقرالىقىدىكى ئۇيغۇرلارنىڭ ئاقىۋىتىنى سۈرۈشتۈرمەسلىك بىلەن ئەيىبلىنىپ كەلگەن ئىدى. ئۇ يۇقىرىقى سۆزلەرنى قىلىشنىڭ سەل ئالدىدا، «نىككېي ئاسىيا» گېزىتى «تۈركىيەنىڭ ئۇيغۇرلارنى خىتاي ۋاكسىنىسىغا تېگىشىش» بىلەن ئەيىبلەنگەنلىكى، بەزىلەردە خىتاي سىنوۋاك ۋاكسىنىسىنى كوزېر قىلىپ، تۈركىيەنى «خىتاي-تۈركىيە جىنايەتچى ئالماستۇرۇش كېلىشىمى» نى ماقۇللاشقا قىستاۋاتامدۇ، دېگەن گۇمان قوزغىغانلىقىنى ئىلگىرى سۈرگەن.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت