Qahramanmarash uniwérsitétida Uyghurlar toghrisida doklat bérish yighini ötküzüldi

Ixtiyariy muxbirimiz erkin tarim
2019-04-22
Élxet
Pikir
Share
Print
Türkiyening sherqiy jenubigha jaylashqan qahramanmarash wilayitidiki sütchü imam uniwérsitéti.
Türkiyening sherqiy jenubigha jaylashqan qahramanmarash wilayitidiki sütchü imam uniwérsitéti.
Social Media

22-Aprél küni türkiyening sherqiy jenubigha jaylashqan qahramanmarash wilayitidiki sütchü imam uniwérsitétida Uyghurlar toghrisida doklat bérish yighini ötküzüldi.

Qahramanmarash uniwérsitéti türk tili we edebiyati fakultéti oqutquchisi memdux atalay ependi riyasetchilik qilghan doklat bérish yighinida mezkur uniwérsitétning diniy bilimler kespi oqutquchisi, doktor alim boghda ependi "Sherqiy türkistanning ötmüshi we bügüni" témisida, türkiye awazi radi'osida ishlewatqan mirkamil qeshqerli ependi bolsa "Sherqiy türkistan mesiliside musulman döletlirining wezipiliri" témisida doklat berdi.

Mirkamil qeshqerli ependi bilen doktor alimjan boghda ependiler sütchü imam uniwérsitétida bergen doklatlirida, nuqtiliq halda Uyghur diyarining hazirqi weziyiti we musulman döletlirining Uyghurlar üchün qilishqa tégishlik ishlirini bayan qilghan.

Doktor alim boghda ependi ziyaritimizni qobul qilip, sütchü imam uniwérsitétida ötküzülgen doklat bérish yighinigha oqutquchi, oqughuchilar we bezi ammiwi teshkilat mes'ulliridin bolup köp sanda kishining ishtirak qilghanliqini bayan qildi. 

22-Aprél küni qahramanmarash shehiridiki sütchü imam uniwérsitétida ötküzülgen doklat bérish yighinida sözligen mirkamil qeshqerli ependi, aldi bilen Uyghur diyarining tarixi, yer asti we yer üsti bayliqliri, istratégiyilik ehmiyiti toghrisida toxtalghandin kéyin, Uyghurlarning hazirqi weziyiti we Uyghurlarning musulman döletliridin némilerni kütüwatqanliqi, musulman döletlirining némilerni qilishi kérekliki toghrisida melumat berdi. 

Yighinni sütchü imam uniwérsitéti oqughuchilar uyushmisi uyushturghan bolup, yighin'gha mezkur uniwérsitétning mes'ulliri we oqutquchi-oqughuchilardin bolup 300 etrapida kishi qatnashqan. Bu yighinda mezkur uniwérsitétning oqutquchisi doktor alim boghda ependi Uyghurlarning tarixi toghrisida melumat bergendin kéyin nuqtiliq halda hazirqi "Jaza lagérliri" toghrisida melumat bergen. 

Sütchü imam uniwérsitéti Uyghur oqughuchilar köp uniwérsitétlardin biri hésablinidu. Abdulxemit yasin ependi doklat bérish yighinining yaxshi ötkenlikini, oqughuchilarning qiziqip anglighanliqini yighin axirida arqa-arqidin so'allar sorighanliqini tekitlidi.

Türkler Uyghur diyarini özlirining ata yurti dep bilgechke Uyghur mesilisige alahide köngül bölidu. Ikki yil ichide sütchü imam uniwérsitétida 20 qétimdek Uyghurlar toghrisida pa'aliyet ötküzülgen. Bularning hemmisige dégüdek qatniship sözligen alim boghda ependi bu xil pa'aliyetlerning jama'et pikri toplashta köp paydiliq boluwatqanliqini ilgiri sürdi.

Pikirler (0)
Share
Toluq bet