Türkiye we iranda ötküzülgen putbol musabiqiliride Uyghurlarni qollap bayraq we lozunka ésildi

Ixtiyariy muxbirimiz erkin tarim
2019-12-30
Élxet
Pikir
Share
Print
Türkiyening eng chong putbol kulubliridin biri fenerbaghche kulubi bilen chayqur rize putbol kulubi türkiyening rize shehride ötküzgen putbol musabiqiside sherqiy türkistanning ay-yultuzluq kök bayriqi bilen türkiyening chong bayriqini asqan. 2019-Yili 29-dékabir. Rize, türkiye.
Türkiyening eng chong putbol kulubliridin biri fenerbaghche kulubi bilen chayqur rize putbol kulubi türkiyening rize shehride ötküzgen putbol musabiqiside sherqiy türkistanning ay-yultuzluq kök bayriqi bilen türkiyening chong bayriqini asqan. 2019-Yili 29-dékabir. Rize, türkiye.
Social Media

Putbol dunyada bolupmu türkiyede eng köp adem yaxshi köridighan tenterbiye türliridin biri hésablinidu. 29-Dékabir küni türkiyening eng chong putbol kulubliridin biri fenerbaghche kulubi bilen chayqur rize putbol kulubi türkiyening rize shehride ötküzgen putbol musabiqiside sherqiy türkistanning ay-yultuzluq kök bayriqi bilen türkiyening chong bayriqini asqan. Ikki bayraqning otturisigha "Sherqiy türkistan türk zéminidur, türkning bolidu" dep yézilghan lozunka ésilghan. Türkiyediki bezi téléwiziyeler teripidin neq meydandin tarqitilghan musabiqide Uyghurlarni qollap ésilghan bayraq we lozunka ijtima'iy taratqulardimu köp kishi teripidin hembehirlinildi we türkiyening kün tertipige aylandi. Üch tugh namidiki twéttir qollan'ghuchi "Türk bayriqidin sherqiy türkistan bayriqigha salam bolsun, sherqiy türkistan yalghuz emes" dep yézip tartqatti. Deplasman tribünü namliq twéttir qollan'ghuchisi "Sherqiy türkistanliqlargha élip bériliwatqan zulum türk dunyasigha qarita élip bériliwatqan eng büyük irqiy qirghinchiliqtur, sükütte turma" dep yézip tarqatti. Meydanda ésilghan chong kök bayraq ijtima'iy taratqularda eng köp tarqitilghan témilardin birsige aylandi.

Ijtima'iy taratqular arqiliq neq meydandin tarqitilghan xewerge asaslan'ghanda 28-dékabir küni iranning paytexti tehrandiki shüheda-i shehiri qudus tenretbiye zalida ötküzülgen musabiqide jenubiy ezerbeyjanning tiraktor putbol kulubining mestaniliri "Sherqiy türkistan'gha erkinlik, xitay térrorchi" dégen lozunkini asqan. Jenubiy ezerbeyjan dep atilidighan iranning tebriz shehiridiki türkler teripidin qurulghan tiraktor putbol kulubining 80 ming mestanisi bar iken. Xewerge asaslan'ghanda 2019-yili iran boyiche üchinchilikni qolgha keltürgen. 

Türkiyede hemme ademning dégüdek qollaydighan futbol kulubliri bar. Muhim kulublar otturisidiki musabiqe bolghan künliri kochida adem körgili bolmaydu. Uyghurlarning hazirqi éghir weziyitining türkiye we iran qatarliq döletlerde putbol musabiqisi arqiliq küntertipke kélishini qandaq chüshinishimiz kérek? 

Istanbul uniwérsitéti tarix oqutquchisi doktor ömer qul ependi buning türkiyediki ammiwiy teshkilatlirining muwapiqiyiti ikenlikini bayan qilip mundaq dédi: "Tünügünki musabiqide sherqiy türkistanning ay-yultuzluq kök bayriqining ésilishi türklerning sherqiy türkistan mesilisige köngül bölüwatqanliqining, buning ammiwiy teshkilatlarning tirishchanliqining netijisi dep qarashqa bolidu. Yéqindin buyan türkiyediki ammiwiy teshkilatlarning sherqiy türkistan heqqide élip barghan pa'aliyetliri bashqa sahediki kishilerningmu diqqitini qozghidi. Bu bundin kéyin téximu kéngiyidu, hökümetkimu tesir körsitidu dep qaraymen." 

Enqerediki Uyghur tetqiqat inistituti mudiri istiratégiye myetexesisi doktor erkin ekrem ependi bu heqtiki ziyaritimizni qobul qilip bularning hemmisining Uyghur mesilisining xelq'aralashqanliqining ipadisi ikenlikini bayan qildi. 

Doktor erkin ekrem ependi Uyghur mesilisining dunyada yuqiri pellige kötürülgenlikini, bularni téximu algha basturush üchün némilerni qilish kérekliki toghrisida toxtaldi. 

Irandiki türkler qollaydighan traktor putbol kulubi 1970-yili qurulghan bolup, irandiki türklerning milliy kimlikini qoghdap qélishta muhim rol oynimaqta iken. 

Fenerbaghche putbol kulubi 1907-yili qurulghan bolup, türkiyening eng chong futbol kulubliridin biri hésablinidu. Xewerlerge asaslan'ghanda türkiyediki fenerbaghche putbol kulubi bilen galatasaray putbol kulubi dunyadiki eng köp qollighuchisi bar 40 kulubning qatarida iken.

Toluq bet