Xitay 'ürümchi qanliq weqesi' de tutulghan Uyghurlarni sotlash ishining 8 ‏ - ay ichide bashlinidighanliqini élan qildi

In'giliz tilidiki "junggo" gézitining paytext ürümchidiki ismini ashkarilashni xalimaydighan saqchi we sot da'iriliridin neqil keltürüp xewer qilishiche, da'iriler"qolgha élin'ghanlardin peqet bir qisim kishilerning jazalinidighanliqi we sot qilinidighanliqi"ni bildürgen. Lékin da'iriler qanche kishining sotlinidighanliqini yaki qolgha élin'ghanlardin qanche kishining qoyup bérilgenlikini tilgha almighan.

Xitay hökümiti bu qétimqi weqede 1800 dek ademning qolgha élin'ghanliqi, 197 ademning ölgenliki we 1700 din artuq ademning yarilan'ghanliqini élan qilghan idi. Lékin Uyghurlarning rehbiri rabiye qadir xanim charshenbe küni yaponiyide axbarat élan qilish yighini chaqirip, ölgen we iz déreksiz yoqalghanlarning 10 minggha yétidighanliqini jakarlighan.

Weziyetttin xewerdar yerlik ammining inkas qilishiche, da'iriler weqede oq tégip doxturxanigha yatquzulghan Uyghur yaridarlarni bashqa jaygha yötkep ketken. Ularning qeyerge yötkep kétilgenliki we teqdirining qandaq bolghanliqidin hichkimning xewiri yoq iken. Xitay hökümiti bolsa peyshenbe küni 10 ming Uyghurning iz ‏ - déreksiz yoqalghanliqini ret qildi.