Uyghur akadémiyesi yéngi xizmet pilani tüzüp chiqti

Ixtiyariy muxbirimiz azigh
2021-07-12
Share
Uyghur akadémiyesi yéngi xizmet pilani tüzüp chiqti
Photo: RFA

Uyghur akadémiyesi fondi jem'iyiti 10-iyul we 11-iyul küni Uyghur akadémiyesi qarmiqida omumiy hey'etler yighini we yash tayanch küchlerning muzakire yighini ötküzdi.

10-Iyul küni istanbuldiki Uyghur akadémiyesi ishxanisida ötküzülgen hey'etler kéngesh yighinida yéngi xizmet yilida qilishqa tégishlik xizmetler belgilendi we yéngi xizmet guruppisi teshkillendi.

Uyghur akadémiyesi fondi jem'iyitining omumiy hey'et yighinigha Uyghur mesilisi üstide yillardin buyan tirishchanliq körsitip kéliwatqan zhurnalistlar, ilmiy xadimlar we ijtima'iy pa'aliyetchiler ishtirak qilghan bolup, ular ilmiy we tetqiqat saheside xitaygha qarshi ünümlük pa'aliyetlerni élip bérish üchün bezi pilanlar otturigha qoyuldi.

Yighinda Uyghur akadémiyesi uzundin buyan teshebbus qilip kelgen mehmud qeshqeri uniwérsitétini qurush pilani tepsiliy muzakire qilindi we bu pilan etrapida konkrét xizmet nishani tüzüldi.

Uyghur akadémiyesi fondi jem'iyitining re'isi perhat qurban tengritaghli ependi ziyaritimizni qobul qilip mezkur yighinning meqsiti, nishani we élin'ghan qararlar heqqide tepsiliy melumat berdi.

Uyghur akadémiyisi yash tayanch küchlerning muzakire yighinidin körünüsh. 2021-Yili 11-iyul, istanbul.
Uyghur akadémiyisi yash tayanch küchlerning muzakire yighinidin körünüsh. 2021-Yili 11-iyul, istanbul.

11-Iyul küni Uyghur akadémiyisi yash tayanch küchlerning muzakire yighinini ötküzgen bolup, yighinda Uyghur oqughuchilarni terbiyelesh mesilisi muhim salmaqni igiligen.

Yighinda Uyghur akadémiyesining bundin burun dawamlashturup kéliwatqan telim-terbiye xizmitini téximu ünümlük dawamlashturush bilen munasiwetlik mesililer mulahize qilin'ghan we konkrét pilanlar tüzülgen.

Mezkur yighin'gha qatnashqan istanbul tijaret uniwérsitéti kompyutér inzhénérliqi kespining magistér aspiranti enwer exmet ziyaritimizni qobul qilip, yash tayanch küchler muzakire yighinining meqsiti we ilin'ghan qararlar heqqide tepsiliy melumat berdi.

Uyghur akadémiyesining mu'awin re'isi abdulhemid qaraxan ependim ziyaritimizni qobul qilip, ikki yighinning orunlashturulushi we Uyghur akadémiyesining bundin kéyinki xizmet yönilishi heqqide melumat berdi.

2009-Yili istanbulda qurulghan Uyghur akadémiyesi özining xizmet da'irisini kéngeytishni meqset qilip, Uyghur akadémiyesini wexpige aylandurushni qarar qilghan idi. Buning bilen 2021-yili 9-may küni Uyghur akadémiyesi fondi jem'iyet süpitide en'ge ilin'ghanliqini resmiy jakarlidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet