Ghuljada az dégende 5 balining ghayib bolghanliqi, oqughichilarning mektepke saqchilarning nazaritide bérip-kéliwatqanliqi ashkarilandi

Muxbirimiz shöhret hoshur
2021-03-15
Share
Ghuljada az dégende 5 balining ghayib bolghanliqi, oqughichilarning mektepke saqchilarning nazaritide bérip-kéliwatqanliqi ashkarilandi Ghayib bolghan ösmürlerdin gülziba ayup we rizwan'gül imin.
Social Media

Ijtima'iy axbaratlarda adem bédiklirining ziyankeshlikke uchrighanliqi ilgiri sürülgen 13 yashliq abdulla raxmanjan heqqide ilgirilep élip barghan éniqlashlirimiz dawamida, ghulja nahiyesining penjim we mollitoxti yézisidin we chapchalning sumbul yézisidin bolup jem'iy 4 oqughuchiningmu ghayib bolghanliqi, ularning a'ililiri we saqchilar teripidin izdiliwatqanliqi ashkarilandi. Téléfon ziyaretlirimizdin melum bolushiche, 13 bilen 16 yash arisidiki balilarne'ing yoqap kétish weqesi yéqinqi birqanche aydin béri arqa-arqidin yüz bériwatqan weqelerdin bolup, nöwette ghuljada ösmür balilar mektepke ata-aniliri yaki saqchilarning nazaritide bérip-kelmektiken.

Ghayib bolghan ösmürlerdin nergize abdulla.

Aldinqi künlerdiki éniqlashlirimizda ijtima'iy axbaratlarda tarqalghan ghulja nahiyesining üch'on xuyzu yéza toxuchiyüzi kentidiki 13 yashliq oqughuchi abdulla raxmanjanning adem bédiklirining ziyakenshilikige uchrighanliqi heqqidiki xewerning toghriliqi delillen'gen idi. Ijtima'iy axbaratlarda tarqalghan yene bashqa adem izdesh élanliridimu ghulja nahiyesining penjim yézisidin muzepper memet'eli, mollitoxtiyüzi yézisidin gülziba we rizwan'gül, chapchalning yettesumbul yézisidin nergize abdulla qatarliq jem'iy 4 oqughuchining4-mart künidin étibaren ghayib ikenliki bayan qilin'ghan. Ghayib balilarning süretlirimu körsitilgen bu élanlarda ularning oquwatqan mektep, turushluq adrésliri bérilgen. Biz aldi bilen chapchal nahiyesdiki alaqidar idare-organlargha téléfon qilip, nergize abdullaning tépilghan yaki tépilmighanliqi heqqide melumat soriduq. Xadimlar so'allrimizni asasen dégüdek jawabsiz qaldurdi, emma héchqaysisi ghuljada dawam qilghan balilarning yitip kétish weqesi'ini inkar qilmidi. Penjim yéziliq hökümet xadimi ehwalni alaqidar rehbiri organlardin sürüshte qilishimizni tewsiye qilip, so'alimizgha jawab bérishtin özini qachurdi.

Ghayib balilar heqqidiki adem izdesh élanlirining biride mollitoxtiyyüzilik oqughuchi gülzibaning5-ottura mektep formisi keygenliki qeyt qilin'ghan. Téléfonimizni qobul qilghan ghulja nahiyelik 5-ottura mektepning bir xadimi mezkur oqughuchilarning yitip kétish weqesidin xewiri barliqini éytti, emma balilarning aqiwitidin ta hazirghiche xewiri yoqluqini ashkarilidi.

Téléfonimizni qobul qilghan bir kent kadiri ghuljada bala yitip kétish weqeliri arqa-arqidin yüz bergenliki üchün kentlerde bu heqte yighin échilghanliqi we ata-anilarning balilirini mektepke özliri apirip ekéliwatqanliqini ashkarilidi. Ghuljadiki yene bir saqchi xadimimu toxuchiyüzde 13 yashliq abdulla raxmanjanning jesiti tépilghandin kéyin, bixterlik tedbirliri süpitide doqmushtiki saqchi ponkitliri (gangting) ning balilarni mektepke apirip-ekilishke mes'ul bolghanliqini ashkarilidi. U yene ghuljada bala yütüsh weqesining yéngi bir ehwal emesliki, shunga mektep bashlan'ghandin buyan saqchilarning oqoghughuchilargha mektepke bérip-kélish jeryanida hemrah boluwatqanliqini ashkarilidi.

Téléfonimizni qobul qilghan saqchilar hazirgha qeder bu adem bédiklirining kimlikliri heqqide melumat bermidi, emma ündidardiki bir uchurda bir ayal kéchide öz öyige namelum bir kishining oghriliqche kirgenliki we u jiddiy qutquzushqa téléfon qilghandin kéyin u kishining qéchip chiqip ketkenlikini bayan qilghan. Bu uchurda öyge oghriliqche kirgen kishining ayaldin "Yoldishing nede?" dep xitay tilida gep qilghanliqi eskertilgen.

Yuqirida ghuljada az dégende besh oqughuchining iz-déreksiz ghayib bolghanliqi, bulardin birining jesiti tépilghanliqi, qalghanlirining iz-dériki qiliniwatqanliqi heqqide anglitish berduq.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet