Amérikaning myunxéndiki konsulxanisi ötküzgen "Uyghur heptiliki" pa'aliyiti bügün netijilik axirlashti

Ixtiyariy muxbirimiz ekrem
2020-10-30
Share
Zumretay-Erkin.jpg Amérikaning myunxén shehiridiki konsulxanisi d u q bilen hemkarliship ötküzgen "Uyghur heptiliki" pa'aliyitide amérikaning myunxén shehiridiki bash konsuli méghan grégors xanim d u q ning programma yétekchisi zumret'ay erkin xanim bilen söhbet élip bardi. 2020-Yili 30-öktebir.
RFA/Ekrem

Amérikaning bérlindiki elchixanisi we myunxéndiki konsulxanisi d u q rehberliri bilen hemkarliship "Uyghur heptiliki" pa'aliyiti ötküzdi.

Amérikaning myunxén shehiridiki konsulxanisi 22-öktebir d u q bilen hemkarliship, 10-ayning axirqi bir heptiside mexsus Uyghurlargha béghishlan'ghan "Uyghur heptiliki" pa'aliyiti ötküzidighanliqi toghrisida uchur tarqatqan idi. Bu pa'aliyetning tunji qétimliqini 26-öktebir d u q re'isi dolqun eysa bilen, ikkinchi qétimliqini 28-öktebir d u q ning yawropagha mes'ul wekili esqerjan bilen, bügün, yeni 30-öktebir axirqi qétimliqini d u q ning programma yétekchisi zumret'ay erkin bilen ötküzdi.

Tor ziyariti arqiliq ötküzülgen bu programmigha amérikaning myunxén shehiridiki bash konsuli méghan grégors riyasetchilik qildi. Bügün amérika bash konsulining ziyaritini qobul qilghan d u q ning programma yétekchisi zumret'ay erkin bu heqte toxtalghanda, bir hepte dawam qilghan bu "Uyghur heptiliki" pa'aliyitining nahayiti netijilik élip bérilghanliqini tilgha aldi.

Amérikaning bérlindiki elchixanisi "Uyghur heptiliki" pa'aliyitige jiddiy köngül bölgen idi. Elchixana tor sehipisi bir heptidin buyan ötküzülgen "Uyghur heptiliki" pa'aliyitining barliq sin körünüshini toluq élan qildi. Buning bilenla qalmay, amérika elchixanisi myunxéndiki amérika konsulxanisigha masliship, her küni birdin gérmaniyening herqaysi sheherliride yashawatqan yash Uyghur qiz-oghullirilirini ziyaret qilip, ularning sin körünüshi arqiliq ipade qilghan yürek sözlirini elchixanining tor sehipisi arqiliq keng tarqatti.

Myunxén shehiride yashawatqan ilyar sidiqmu amérika elchixanisining ziyaritini qobul qilghan yashlardin biri idi. U bügün bizning ziyaritimizni qobul qilghanda, özining bu elchixana torida yürek sözlirini qandaq bayan qilghanliqi toghrisida melumat bérip ötti.

Gérmaniyening stutgart shehiride yashaydighan yash qizlardin adile enwermu amérika elchixanisining tor sehipiside sin körünüshi arqiliq öz qarashlirini, tileklirini bayan qilip ötken, dunya jama'itini Uyghurlargha ige chiqishqa dewet qilghan idi. U bügün ziyaritimizni qobul qilip, özining yürek sözlirini yene bir qétim ipade qildi.

Igilishimizche, amérikaning bérlindiki elchixanisi we myunxéndiki konsulxanisi 2019-yildin buyan d u q bilen hemkarliship her türlük siyasiy, ijtima'iy pa'aliyetlerni uyushturup kéliwatqan bolup, aldimizdiki ay-künlerde yene birlikte herxil programmilarni élip baridiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet