“уйғур һәрикити” тәшкилати уюштурған уйғур яшлирини тәрбийәләш курси истанбулда ахирлашти

Ихтиярий мухбиримиз әркин тарим
2022.01.31
“уйғур һәрикити” тәшкилати уюштурған уйғур яшлирини тәрбийәләш курси истанбулда ахирлашти Истанбул кровнә плаза меһманханисида өткүзгән уйғур яшлирини тәрбийиләш курсида “уйғур һәрикити” тәшкилатиниң рәиси рошән аббас ханим лексийә сөзлимәктә. 2022-Йили 29-январ, түркийә.
RFA/Erkin Tarim

“уйғур һәрикити” тәшкилати 1-айниң 29-30-күнлири истанбул кровнә плаза меһманханисида уйғур яшлирини тәрбийәләш курси өткүзди. Курста түркийәниң әнқәрә, мармара, һаҗи бекташвели, истанбул йилдиз техника университетлиридин тәклип қилинған профессорлар “уйғурларниң тарихи”, “уйғурларға елип бериливатқан ирқий қирғинчилиқ вә буниң сәвәблири”, “уйғур давасиниң тарихи”, “америкадики уйғур дәваси вә униң тәсири”, “уйғур қирғинчилиқиниң уйғурларға көрсәткән тәсири”, “ирқий қирғинчилиққа уйғур сәнити арқилиқ инкас қайтуруш”, “уйғур ирқий қирғинчилиқиниң хәлқарадики тәсири” “хитайниң уйғур тарихини бурмилаш сиясити вә мәдәнийәт қирғинчилиқи” вә “медия вә шәрқий түркистан мәсилиси” дегәндәк темиларда доклат бәргәндин кейин, курсқа иштирак қилған 40 әтрапида оқуғучи билән мәзкур темилар тоғрисида музакирә елип берилди. Һәр бир доклатниң ахирида үч оқуғучи өзиниң уйғур дәвасини аңлитиш җәрянидики тәҗрибилирини тонуштуруп өтти.

Курсниң ахирида йиғин тоғрисида көз қаришини игиләш үчүн бу паалийәтни уюштурған “уйғур һәрикити” тәшкилатиниң рәиси рошән аббас ханим вә курсқа түркийәниң һәрқайси университетлиридин келип иштирак қилған уйғур оқуғучилар билән сөһбәт елип бардуқ.

“уйғур һәрикити” тәшкилатиниң рәиси рушән аббас ханим билән йолдиши абдулһеким идрис әпәндини американиң түркийәгә йеңи тәйин қилған баш әлчиси җәф филайк билән айили шәрил филайк ханим қобул қилған. 2022-Йили 29-январ, түркийә.
“уйғур һәрикити” тәшкилатиниң рәиси рушән аббас ханим билән йолдиши абдулһеким идрис әпәндини американиң түркийәгә йеңи тәйин қилған баш әлчиси җәф филайк билән айили шәрил филайк ханим қобул қилған. 2022-Йили 29-январ, түркийә.

Рошән аббас ханим истанбулда өткүзүлгән курсниң мувәппәқийәтлик өткүзүлгәнликини баян қилип мундақ деди: “биз уйғур һәрикити тәшкилати истанбулда уйғур яшлирини тәрбийәләш курси өткүздуқ. Курсимиз бурунқидикиләргә охшашла мувәппәқийәтлик өтти дәп қараймән. Курс җәрянида түркийәдики уйғур яш актиплар билән сөзләштим. Улар билән уйғур дәвасини түркийәдики әмәлий әһвални асас қилип туруп қандақ оттуриға қоюш тоғрисида музакирә елип бардуқ. Шундақла уйғур һәрикити тәшкилатиниң хәлқарадики болупму америкидики паалийәтлири, вә буниң тәсири тоғрисида мәлумат бәрдим. Мувәппәқийәтлик бир паалийәт болди”.

Рошән аббас ханим курсни хуласиләп, бу қетимқи курсниң алаһидиликиниң қатнашқан яшларниң актипчанлиқиниң юқири болуши, пәқәт истанбулдинла әмәс түркийәниң башқа шәһәрлиридин кәлгән уйғур оқуғучиларниң саниниң көплүки икәнликини баян қилди.

Түркийәниң бурса шәһиридин келип курсқа қатнашқан уйғур паалийәтчи абдуқадир абдукерим курс җәрянида уйғур дәвасини қилишниң уссулини, шундақла көп йеңи мәлуматларни өгәнгәнликини баян қилди.

Курсқа қатнашқан бурса улудағ университети диний илимләр кәспи оқуғучиси абдумеҗит аблиз бу хил курсларниң уйғур яшларни дәваға йетәкләп кириш үчүн пайдилиқ болидиғанлиқини оттуриға қойди.

Курсқа қатнашқан университет оқуғучиси рәһимә турсун, толуқ оттура мәктәп оқуғучиси майидә абдухәмит, томарис муһәммәт, канададин келип қатнашқан мәһлийә четинқая қатарлиқлар курс һәққидики соаллиримизға җаваб берип, курсниң яхши өткәнликини, уйғурлар вә уйғур дәваси һәққидә йеңи мәлуматларни игилигәнликлирини, буниңдин кейинки паалийәтлири үчүн йол көрсәткүчилик ролини ойнайдиғанлиқини баян қилишти.

Истанбулдин курсқа қатнашқан “йеңи әвлад һәрикити” тәшкилатиниң баянатчиси ибраһим сидиқ бу хил курсларниң уйғур яшлирини дәваға қизиқтуруш үчүн наһайити зор пайдиси болидиғанлиқини, көпләп ечиш керәкликини оттуриға қойди.

Уйғур яшлирини тәрбийәләш курси ахирлашқандин кейин “уйғур һәрикити” тәшкилатиниң рәиси рушән аббас ханим билән йолдиши абдулһеким идрис әпәндини американиң түркийәгә йеңи тәйин қилған баш әлчиси җәф филайк билән айили шәрил филайк ханим қобул қилған.

“уйғур һәрикити” тәшкилати бу курсниң 1-нөвәтликини 2021-йили 6-айда түркийәниң истанбул шәһиридә өткүзгән болуп, мәзкур курсқа түркийәниң һәрқайси университетлирида оқуватқан 50 уйғур оқуғучи қатнашқаниди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.