“Uyghurlarning nöwettiki iqtisadiy qiyinchiliqliri we hel qilish yolliri” dégen témida yighin échildi

Ixtiyariy muxbirimiz arslan
2020.07.21
Share on WhatsApp
Share on WhatsApp
uyghur-akademiye-2016-yighin-3.jpg Uyghur tarixi tetqiqatliri ilmiy muhakime yighinidin körünüsh. 2016-Yili 9-öktebir, istanbul.
RFA/Arslan

Merkizi istanbulgha jaylashqan Uyghur akadémiyisining uyushturushi bilen 19-iyul yekshenbe küni, “Uyghurrlaning nöwettiki iqtisadiy qiyinchiliqliri we hel qilish yolliri” dégen témida télékaméraliq yighin échildi.

Yighin'gha doktor meghpiret kamal xanim riyasetchilik qildi. Yighinda we Uyghur akadémiyesi da'imiy hey'et ezasi shundaqla sabahiddin za'im uniwérsitétining oqutquchisi iqtisadshunas doktor burhan ulughyol ependi söz qilip, iqtisad bilen maliyening oxshashmaydighan perqi we tijaret bilen meblegh sélishning perqiy ösüm bilen ösümsiz meblegh sélishning perqi, dégen mezmunda toxtalghandin sirt yene Uyghurlar nöwette duch kéliwatqan iqtisadiy qiyinchiliqlar we hel qilish yolliri toghrisidimu öz qarashlirini otturigha qoydi.

Uyghurlar néme sewebtin iqtisadiy qiyinchiliqqa duch kéliwatidu? qandaq qilghanda bu qiyinchiliqlarni hel qilalaydu? bu so'allarning jawabigha érishish üchün biz iqtisad shunas doktor burhan ulughyol ependi bilen söhbet élip barduq.

Doktor burhan ependi Uyghurlarning soda-sana'et saheside igilik tiklesh üchün meblegh sélishning eng muhim usullirini bayan qildi.

Doktor burhan ependi léksiyesining dawamida yene Uyghurlarning jazanigha kirip qalmaydighan ösümsiz pay chékilerge sermaye sélishni tewsiye qildi.

Doktor burhan ependi, Uyghurlarning nöwette iqtisadiy qiyinchiliqqa uchrishida ikki türlük seweb barliqini bildürüp, buning birining xitayning chet'ellerdiki Uyghurlar bilen Uyghur diyaridiki Uyghurlarning alaqe-munasiwetlirini kisiwetkenliki, yene birining wuxende otturigha chiqip dunyagha tarqilip ketken korona wirusi sewebidin xelq'ara soda-tijaretlerning toxtap ketkenliki, ene shu seweblerdin Uyghurlarning kirim menbeliringmu zerbige uchrighanliqini tekitlidi.

U yene qoshumche qilip: “Bulardin bashqa yene özimizning muqim bir iqtisadiy kirimimiz bolmighanliqimu iqtisadiy qiyinchiliqlargha uchrashqa seweb bolidu”, dédi.

Biz bu yighin toghrisida pikir-qarashlirini élish üchün Uyghur akadémiyisining ijra'iye re'isi abdulhemit qaraxan ependi bilen söhbet élip barduq. Abdulhemit qaraxan ependi bu yighinning ehmiyiti we bu yighinni uyushturushtiki ghaye-nishanliri toghrisida toxtaldi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet