Gherbtiki 4 döletning Uyghurlar heqqide chiqarghan "Irqiy qirghinchiliq" qararlirining tesiri qanchilik bolidu?

Muxbirimiz nur'iman
2021-04-23
Share
Gherbtiki 4 döletning Uyghurlar heqqide chiqarghan Xitayning Uyghur we bashqa türkiy milletlerge qaratqan basturushlirini "Irqiy qirghinchiliq" dep tonughan töt dölet simwol qilinip sizilghan resim.
Yettesu

Xitayning 2016-yilidin bashlan'ghan milyonlighan Uyghurni lagérlargha qamash, xorlash, sistémiliq qiyin-qistaq we basqunchiliq qilish, mejburiy emgekke sélish, a'ililirini parchilash, ayallirini tughmas qilip, nupusining köpiyishini kontrol qilish, Uyghurlarning medenyiti, tili, örp-adetliri we diniy étiqadini weyran qilish qatarliq ighir basturushliri 22-april en'gliye parlaménti teripidin "Irqiy qirghinchiliq" dep élan qilindi.

En'giliye parlaménti amérika hökümiti, kanada parlaménti we gollandiye parlaménitidin kéyin xitayning Uyghur we bashqa türkiy milletlerge qaratqan basturushlirini "Irqiy qirghinchiliq" dep tonughan tötinchi dölet apparati hésablinidu.

Amérika tashqiy ishlar ministirliqi bu yil 19-yanwar xitay hökümitining Uyghur rayonidiki Uyghurlarni asas qilghan yerlik musulman milletlerge qaratqan keng kölemlik basturushini "Irqiy qirghinchiliq" we "Insaniyetke qarshi jinayet" dep békitkenlikini jakarlighan idi.

Amérikadin kéyin 22-féwral kanada parlaméntning awam palatasi sun'ghan xitayning Uyghurlargha qaratqan zulumlirini "Irqiy qirghinchiliq" dep étirap qilish toghrisidiki teklip layihesi mutleq köp sanliq awaz bilen maqullan'ghan idi. Buning bilen kanada parlaménti dunyada xitayning Uyghurlargha qaratqan zulumlirini "Irqiy qirghinchiliq" dep élan qilghan tunji parlamént, shuningdek xitayning bu herkitini amérikadin kéyin resmi "Irqiy qirghichiliq" dep tonughan ikkinchi bir gherb dölet apparati bolup qalghan idi.

Arqidin gollandiye parlaménti 25-féwral xitayning Uyghurlargha yürgüzüp kéliwatqan qebih qilmishlirini "Irqiy qirghinchiliq" dep atighan bolup, xitayning jinayitini "Irqiy qirghinchiliq" dep békitken yawropadiki tunji parlamént bolghan idi.

Biz gherbtiki küchlük döletlerning xitayning Uyghurlargha yürgüzüwatqan zulumni "Irqiy qirghinchiliq" dep itirap qilishi we bu qararning ijra qilinishi üchün bésilidighan qedemler heqqide dunya Uyghur qurultiyi london ishxanisining mudiri rehime mehmut xanim we gollandiyede turushluq weziyet analizchisi asiye Uyghur xanim bilen söhbet élip barduq. Tepsilatini yoqiriqi awaz ulinishidin anglighaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet