«Уйғур кишилик һоқуқ сиясити қанун лайиһәси» америка кеңәш палатасида мақуллуқтин өтти

Мухбиримиз җүмә
2019-09-11
Елхәт
Пикир
Share
Принт
Америка кеңәш палатасиниң әзаси марко рубю әпәнди йиғинда сөзлимәктә. 2019-Йили 21-авғуст, филорида.
Америка кеңәш палатасиниң әзаси марко рубю әпәнди йиғинда сөзлимәктә. 2019-Йили 21-авғуст, филорида.
AP

11-Сентәбир, «уйғур кишилик һоқуқ сиясити қанун лайиһәси» америка кеңәш палатасида мақуллуқтин өтүп, мәзкур лайиһәниң рәсмий қанун болуп мақуллиниш йолидики әң муһим қәдәмләрниң бири елинди.

Бу қанунниң кеңәш палатасида мақуллуқтин өткәнлики, қанунни баш болуп тонуштурған палата әзаси марко рубийо вә боб мәнәндәзләрниң алқишиға еришти.

Палата әзаси рубийо вә мәнәндәзләр бу һәқтә бирликтә елан қилған баянатида мәзкур қанунниң уйғурларға қаритилған бастуруш һәрикитиниң алдини елишта муһим әһмийәткә игә икәнликини билдүрди.

Баянатта мундақ дейилди: «бу қанун лайиһәси мустәбит хитай һөкүмитиниң шинҗаң уйғур аптоном районида көләмләштүргән дәһшәтлик кишилик һоқуқ дәпсәндичилики, җүмлидин бир милйондин артуқ уйғур вә башқа мусулман хәлқләрни тутуп туруш лагерлириға қамаш қилмишиға қарши туруштики муһим қәдәмдур.»

Баянатта йәнә мәзкур қанун лайиһәниң бейҗиң даирилири америка пуқралири вә америкида мәңгүлүк туруш рухсити алған кишиләргә қаратқан тәһдитләргиму тақабил турушта муһим әһмийәткә игә икәнлики билдүрүлди.

Баянатта нәқил елишичә, палата әзаси рубийо мундақ деди: «америка һөкүмити хитай компартийәсиниң шинҗаңдики системилиқ вә әшәддий кишилик һоқуқ дәпсәндичилики вә бәлки инсанийәткә қариши җинайәтлирини хели бурунла җавабкарлиққа тартиши керәк иди.»

У йәнә америка дөләт мәҗлиси авам палатасини бу қанунни дәрһал авазға қоюп мақуллуқтин өткүзүшкә чақирди.

Боб мәнәндәз әпәндим бу қанун лайиһәниң кеңәш палатасида тонуштурулушиға баш болған әрбабларниң бериду.

Уму бу қанун лайиһәниң кеңәш палатасида мақуллуқтин өткәнликини тәбриклиди.

У мундақ деди: «бу қанун лайиһәси милйонлиған уйғур мусулманлири наһәқ қамилип, кәң көләмлик тәқибгә муптила қилинған вә мустәбит һакимийәт тәрипидин әмгәк лагерлириға бәнд қилинған пәйттә дөләт мәҗлисиниң тәтүр қаривалмайдиғанлиқини намаян қилиду.»

«Уйғур кишилик һоқуқ сиясити қанун лайиһәси» 2018-йили ноябирда тунҗи қетим вә 2019-йили баһарда ‍иккинчи қетим түзитип тонуштурулған иди.

Қанун лайиһәси илгири кеңәш палатасиниң ташқи мунасивәтләр комитетида авазға қоюлған.

Әгәр бу қанун лайиһәси авам палатасида мақуллуқтин өтсә америка президенти доналд трампниң алдиға елип келиниду вә президент имза қойғандин кейинла рәсмий күчкә игә болиду.

Пикирләр (0)
Share
Толуқ бәт