Istanbulda Uyghur yashlirigha milliy mepkure, taratqu we teshkilatchiliq boyiche kurs échildi

Ixtiyariy muxbirimiz arslan
2019-07-31
Élxet
Pikir
Share
Print
Istanbulda Uyghur yashlirigha milliy mepkure, taratqu we teshkilatchiliq boyiche échilghan kurstin körünüsh. 2019-Yili 27-iyul, türkiye.
Istanbulda Uyghur yashlirigha milliy mepkure, taratqu we teshkilatchiliq boyiche échilghan kurstin körünüsh. 2019-Yili 27-iyul, türkiye.
RFA/Arslan

Istanbulda Uyghur yashlirigha "Milliy mepkure we teshkilatchiliq" hemde "Taratqu we teshwiqat" dégen témilar boyiche mexsus kurs échildi.

7-Ayning 27-we 28-künliri istanbulda Uyghur akadémiyesi bilen "Hira" medeniyet we ma'arip wexpining hemkarliqida Uyghur yashliridin kelgüsi tayanch küch yétishtürüsh meqsitide mexsus kurs échildi. 9 Uyghur we 2 türk bolup, jem'iy 11 tetqiqatchi we mutexessisning léksiye bérishi bilen 39 neper Uyghur oqughuchi we yash ziyaliylar terbiyelendi. Bu qétimliq mexsus kurs 2-nöwetlik "Milliy mepkure we teshkilatchiliq" hemde "Taratqu we teshwiqat" dégen témida orunlashturuldi.

Türkiyening her qaysi sheherliridiki uniwérsitétlarda oquwatqan Uyghur oqughuchilardin 39 neper Uyghur yash ikki sinipqa bölünüp, ikki künlük terbiyelesh kursigha qatnashti.

Kursta her sahedin kelgen proféssorlar, doktor we mutexessisler mexsus témilar boyiche léksiye sözlidi. Bu ikki künlük kurs tolimu janliq we yuqiri keypiyat bilen ötküzüldi.

Biz bu heqte téximu köp melumatqa ige bolush üchün bu qétimliq kursni uyushturghan Uyghur akadémiyesining ijra'iye re'isi abdulhemit qaraxan we "Hira" medeniyet we ma'arip wexpining mes'ulliridin loqman ependi shundaqla kursqa qatnashqan Uyghur oqughuchi abduzahirlar bilen söhbet élip barduq.

Abdulhemid qaraxan ependi bu qétimliq mexsus kursning teshkillinish jeryani we emeliy ünümi heqqide melumat berdi.

Loqman ependimu ziyaritimizni qobul qilip, weten bilen alaqe üzülgen, Uyghurlar öz tarixida eng éghir kiriziske duch kelgen bir peytte istanbulda Uyghur tilida mushundaq bir kursning uyushturulushi nahayiti muhim ehmiyetke ige dédi.

Kursqa qatnashqan Uyghur yashliridin abduzahirmu ziyaritimizni qobul qilip, buningdin kiyin milletning eng éghir yükini zimmisige élip, pütün küchi bilen milliy küresh yoligha atlinidighanliqi we bir-biri bilen hemkarliq ornitip weten we millet üchün töhpe qoshidighanliqini ipade qildi.

Toluq bet