Washin'gtondiki musulmanlar jem'iyetliri Uyghurlarni qollash namayishi ötküzdi

Muxbirimiz méhriban
2021-03-30
Share
Washin'gtondiki musulmanlar jem'iyetliri Uyghurlarni qollash namayishi ötküzdi "Amérika islam munasiwetliri kéngishi" ning teshkillishide "Ijtima'iy adalet kéngishi", "Shimaliy amérika islam kéngishi", qatarliq amérikadiki musulman jem'iyetliri we Uyghur teshkilatliri ötküzgen "Uyghurlargha qaritilghan irqiy qirghinchiliqni toxtitish" ni telep qilish birleshme namayishidin körünüsh. 2021-Yili 30-mart, washin'gton.
Social Media

30-Mart küni amérika paytexti washin'gtondiki musulmanlar teshkilatliridin CAIR yeni "Amérika islam munasiwetliri kéngishi" ning teshkillishide "Ijtima'iy adalet kéngishi", "Shimaliy amérika islam kéngishi", qatarliq amérikadiki musulman jem'iyetliri we Uyghur teshkilatlirining "Uyghurlargha qaritilghan irqiy qirghinchiliqni toxtitish" ni telep qilish birleshme namayishi ötküzüldi.

Melum bolushiche 30-mart künidiki namayish washin'gtondiki xitay elchixanisi aldida shu yer waqti chüsh sa'et 12-din 1 giche bir sa'et dawamlashqan. Namayishta "Amérika islam munasiwetliri kéngishi" ning diréktori nihad awad we meschit muhemmetning imami talip sharef qatarliqlar söz qilghan.

Nihad awad sözide, Uyghurlargha qaritilghan "Irqiy qirghinchiliqni toxtitish" ni telep qilish namayishigha ishtirak qilghan musulman jem'iyetliri we Uyghur teshkilatlirigha rehmet éytqan. Shundaqla u yene nöwette Uyghur qérindashlar uchrawatqan zulumgha qarita amérika hökümitining qattiq inkas qayturghanliqini qollaydighanliqini bildürüp, musulman dunyasining Uyghurlar bilen bir septe turushining muhimliqini tekitligen.

Washin'gtondiki meschitlerdin "Meschit muhemmet" ning imami talip sharefmu söz qilip, amérikidiki Uyghurlarning xitay lagérlirida azab chékiwatqan tutqundiki tughqanlirining baldurraq erkinlikke chiqishigha du'a qilidighanliqini we xitay hökümitining Uyghurlargha qaratqan irqiy qirghinchiliq herikitige musulman dunyasining qattiq inkas qayturush mejburiyiti barliqini tekitligen.

Namayishqa amérikadiki Uyghur teshkilatliridin "Uyghur herikiti", "Uyghur kishilik hoquq qurulushi", "Dunya Uyghur qurultiyi", "Amérika Uyghur birleshmisi", "Uyghurlargha adalet" qatarliq Uyghur teshkilatlardiki Uyghur pa'aliyetchilirimu qatnashqan.

Namayishta Uyghur weziyiti heqqide nutuq sözligen Uyghur pa'aliyetchiliridin "Uyghur herikiti" teshkilatining bashliqi roshen abbas xanim ziyaritimizni qobul qilip, namayish heqqide melumat berdi.

Roshen abbas xanimning bildürüshiche, bu xitay hökümiti milyonlighan Uyghurni lagérlargha qamash herikiti bashlighan 2017-yildin buyan, amérikadiki musulmanlar jem'iyetlirining tunji qétim ashkara halda, Uyghur teshkilatliri bilen birlikte, xitay hökümitige qarshi Uyghurlarni qollap namayish qilishi hésablinidiken.

30-Mart küni xitay elchixanisi aldida ötküzülgen "Uyghurlargha qaritilghan irqiy qirghinchiliqni toxtitishni telep qilish "Namayishigha "Uyghur kishilik hoquq qurulushi" gha wakaliten qatnashqan mezkur teshkilatning programma kordinatori, tetqiqatchi mustafa aqsu ependimu namayishta Uyghurlarning irqiy qirghinchiliqqa uchrash weziyitini anglatqan.

Mustafa ependimu ziyaritimizni qobul qilip, amérikidiki musulmanlar jem'iyiti bilen ötküzülgen birleshme namayishning ehmiyiti heqqide öz tesiratini bayan qildi.

Namayish heqqidiki tepsilatlarni yuqiriqi awaz ulinishidin anglaysiler.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet