D u q ning “Uyghur öyi” qurush chaqiriqi Uyghur jama'itining emeliy qollishigha érishti

Myunxéndiki Uyghur jama'iti d u q ning “Uyghur öyi” qurush chaqiriqini neq meydanda emeliy hessiliri bilen qizghin qollidi.

12-Mart küni d u q ning uyushturushi bilen myunxén shehiride “Nashtiliq” pa'aliyet ötküzüldi. Pa'aliyetke myunxén shehiride yashawatqan 80 etrapida a'ile qatnashqanidi. Pa'aliyet sherqiy türkistanning istiqlal marshi bilen bashlandi. Uyghur jama'iti qollirini köksige qoyup, istiqlal marshigha jor boldi.

Mezkur “Nashtiliq” pa'aliyet ikki muhim mezmundin terkib tapqan bolup, buning biri, d u q ning axirqi bir yildin buyan élip barghan xizmetliri toghruluq jama'etke melumat bérish. Ikkinchisi, myunxéndiki Uyghur jama'itige mensup bolghan “Uyghur öyi” qurup chiqip, d u q ni kira tölep olturidighan halettin, özining shexsiy ishxanisi bolghan haletke keltürüsh idi.

RFA/Ekrem

D u q re'isi dolqun eysa ependi axirqi bir yilliq xizmetlerdin melumat bergende, d u q rehberlirining bir yildin buyan amérika, kanada qatarliq döletlerning bashministirliri, tashqi ishlar ministirliri we bashqa dölet rehberliri bilen bolghan uchrishishlarni, b d t da, yawropa ittipaqida élip barghan pa'aliyetlirini, gérmaniyede chaqirilghan “Myunxén xewpsizlik kéngishi” yighini we kanada ötküzülgen “Xalifakis” qatarliq muhim xelq'araliq yighinlarda Uyghurlar mesilisining tilgha élinish ehwalliri bayan qilip ötti.

Dolqun eysa ependi bu xususta ziyaritimizni qobul qilghanda, bu “Nashtiliq” pa'aliyetning muhim meqsetliridin birining uzundin buyan d u q ni izchil qollap kelgen myunxéndiki Uyghur jama'itige teshkilat namidin rehmetlirini bildürüshtin ibaret ikenlikini tilgha aldi. D u q ijra'iye komitétining mu'awin re'isi turghunjan alawudén ependimu bu heqte qarashlirini bayan qilip, d u q ning yéqinqi mezgillerdin buyan nobél tinchliq mukapatigha namzat körsitilishtek Uyghurlarni hayajan'gha salidighan bezi utuqlargha ige bolghanliqini bayan qildi.

D u q ning xizmetliridin doklat bérish murasimi axirlashqandin kéyin, myunxéndiki Uyghur jama'itige mensup bolghan “Uyghur öyi” qurush chaqiriqi otturigha qoyuldi. Uyghur jama'iti bu chaqiriqni qizghin qollap, bes-beste pul i'ane qiliship, “Uyghur öyi” ning wujudqa chiqishi üchün qolidin kélishiche hessiler qatidighanliqini ipadileshti. Dolqun eysa ependining bildürüshiche, qisqighine 2-3 sa'et ichide 170 ming yawrodin artuq pul yighilghan. Turghunjan alawudén ependi bu toghruluq toxtalghanda, sorundiki bu qizghin keypiyattin Uyghurlarning wetenperwerlik we pidakarliq rohining barghanséri küchiyiwatqanliqini körüp yetkenlikini tekitlidi.

D u q sétiwalmaqchi bolghan makan 140 kwadrat métérliq bir da'ire bolup, texminen 600 ming yawro pul kétidiken. D u q bu pulni gérmaniyediki we dunyaning herqaysi elliridiki pidakar Uyghurlarning xalis i'anisi arqiliq toplaydiken.