Uyghur qulluq emgiki mesilisi en'gliye hökümiti bilen parlamént arisidiki talash-tartishqa seweb bolghan
2025.03.24
En'gliyediki yehudiy chong qirghinchiliqtin qutulup qalghan dorit oliwér wolf xanim.
Photo: RFA
En'gliye énérgiye ministiri éd miliband ötken heptining axiri en'gliye énérgiye qanunigha kirgüzülgen qulluq emgekke munasiwetlik tüzitishke qarshi turidighanliqini bildürgendin kéyin, keng parlamént ezalirining naraziliqini qozghighan. Bu kirgüzülgen tüzitishte hökümetning qulluq emgek arqiliq ishlep chiqirilghan mehsulatlarni cheklishi otturigha qoyulghan.
En'gliyede chiqidighan kündilik xewerler gézitide éytilishiche, énérgiye ministiri miliband ötken jüme küni en'gliye énérgiyesining 180 milyon pond-stérling qimmitidiki tunji qurulushini otturigha qoyghan bolup, uningda 200 mektepning ögzisige küntaxta békitilidiken. Miliband muxbirlarning so'aligha jawab berginide bir qisim küntaxtilarning xitaydin kélidighinini étirap qilghan.
En'gliye parlamént ezasi dawid alton buninggha naraziliq bildürüp, özining twittér hésabida Uyghur qulluq emgiki arqiliq yasalghan küntaxtilarni ishlitishning exlaqsizliq ikenliki we buningda en'gliyening qoli bolmasliqigha chaqiriq qildi.
En'gliyediki yehudiy chong qirghinchiliqtin qutulup qalghan dorit oliwér wolf xanim bu mesile üstide en'gliye weziri kéyr starmérgha xet yézip, uning tarixtin sawaq élip jiddiy heriketke ötüshini telep qilghan. Dorit xanim wezirge yazghan xétide, “Bügün méning könglümge éghir kelgen Uyghur mejburiy emgek mesilisi üstide sizning küchlük heriket élip bérishingizni soraymen” dégen.
Dorit xanim xétide yene, “En'gliyening énérgiye qanuni sizning hökümitingizge zor purset yaritip berdi. Yeni pütün dunyaning aldida en'gliyening zamaniwiy qulluq mehsulatining exlet sanduqi emeslikini bildüridighan pursettur. Chünki bu yéngilinidighan énérgiye sahesi Uyghur mejburiy emgikining qéni bilen boyalghan” dégen.
Dorit xanim xétining axirida, “Men ömür boyi özemning béshidin ötken issiq-soghaqlarni sözlesh arqiliq <qayta tekrarlanmasliq> dégenning bir quruq sözla bolup qalmasliqini arzu qilimen. Emma men <qayta tekrarlanmasliq> ning <qayta-qayta tekrarlinish> ikenlikini kördüm” dégen.
Dorit oliwér wolf xanim bu yil 89 yashqa kirgen bolup, u 5 yash waqtidila natsistlardin qéchip yugoslawiyede yoshurunup yétip aman qalghan iken.
Köp körülgen xewerler
RFA
- Shinjang hökümiti yéqinda tembur chalghan Uyghur qizning widiyosini tartqan xitay sen'etkarni jazalighan
- Xitay hökümiti Uyghur sen'etkarlarni yawropada oyun qoyghuzup Uyghur irqiy qirghinchiliqini yuyushqa urun'ghan dep eyiblenmekte
- Xitayning yuqiri derijilik emeldari Uyghur rayonida xitay tilini kéngeytish we térrorizmgha qarshi turushqa chaqiriq qildi
- Amérika hökümiti ekper es'etning tutqun qilin'ghanliqining 9-yilliqida uning qoyup bérilishini telep qildi
- Xitay hökümiti taylandning yéngi yilini tebriklesh teshwiqat filimida Uyghurdin paydilan'ghan
Köp körülgen xewerler
Tepsiliy xewer
- Amérika prézidénti tramp tamozhna béji mesiliside xitaygha yene qattiq meydanda bolmaqta
- Xitayning amérika bilen soda urushini dawamlashturishi özining iqtisadigha zor qiyinchiliq élip kélidiken
- Uyghur kishilik hoquq qurulushi xelq'araliq méhmanxana zenjirlirining Uyghur rayonida kéngiyiwatqanliqini eyiblep doklat élan qildi
- Analizchilar: prézidént trampining xitaygha qoyghan béji shi jinpingning hali eng xarab waqtigha toghra keldi
- Amérika hökümitining xitaygha qoyghan tamozhna béjining omumiy nisbiti 245 pirsentke yetken