“уйғур сот коллегийәси” ниң тунҗи соти ечилиш һарписида “шәрқий түркистан тәшкилатлар һәмкарлиқ мунбири” җиддий йиғин чақирди

Ихтиярий мухбиримиз әркин тарим
2021.05.31
“уйғур сот коллегийәси” ниң тунҗи соти ечилиш һарписида “шәрқий түркистан тәшкилатлар һәмкарлиқ мунбири” җиддий йиғин чақирди Д у қ ниң рәиси долқун әйса әпәндиниң тәклипи билән чақирилған “шәрқий түркистан тәшкилатлар һәмкарлиқ мунбири” җиддий йиғинидин көрүнүш. 2021-Йили 29-май.
Photo: RFA

Дуня уйғур қурултийиниң рәиси долқун әйса әпәндиниң тәклипи билән 5-айниң 29-күни чүштин кейин “шәрқий түркистан тәшкилатлар һәмкарлиқ мунбири” җиддий йиғин чақирип, нөвәттики муһим мәсилиләр вә паалийәтләр тоғрисида музакирә елип барди. Музакирә нәтиҗисидә йиғинда бәзи муһим қарарлар мақулланди. Д у қ ниң муавин рәиси пәрһат муһәммиди риясәтчилиқ қилған бу йиғинда алди билән д у қ рәиси долқун әйса әпәнди сөз қилип, бу йиғинниң мәқсити тоғрисида тәпсилий мәлумат бәрди. Тор йиғини ахирлашқандин кейин зияритимизни қобул қилған д у қ рәиси долқун әйса әпәнди һазир хәлқарада муһим ишларниң йүз бериватқанлиқини, булардин бириниң 2020-йили 9-айда әнгилийәдә қурулған мустәқил “уйғур сот коллегийәси” ниң тунҗи соти башлиниш алдида шәрқий түркистан тәшкилатлирини бу тарихий әһмийәткә игә болған сотниң җәряниға маслишип беришини тәләп қилидиғанлиқини баян қилди.

Д у қ рәиси долқун әйса әпәнди йиғинни өткүзүштики иккинчи мәқсәтниң уйғур дияридики мәҗбурий әмгәктин пайда еливатқан волксваген ширкитиниң германийәниң волфсбург шәһридики мәркизий бинаси алдида вә мәзкур ширкәтниң дуняниң һәр қайси дөләтлиридики шөбә ширкәтлири алдида намайиш қилиш тоғрисида музакирә елип берилғанлиқини баян қилди.

Мәлум болғинидәк, 6-айниң 23-күни дуня олимпик күни. Мәзкур йиғинда бу күн мунасивити билән шәрқий түркистан аммивий тәшкилатлири, болупму явропа дөләтлиридә паалийәт елип бериватқан шәрқий түркистан аммивий тәшкилатлири 23-июн күни шиветсарийәниң лозан шәһридики олимпик идарисиниң алдида намайиш өткүзүп, бейҗиңда өткүзүлмәкчи болған қишлиқ олимпик мусабиқисини байқут қилиш тоғрисида музакирә елип берилди. Долқун әйса әпәнди бу һәқтә мәлумат бәрди.

Тор арқилиқ чақирилған йиғинға дуняниң һәр қайси җайлирида паалийәт елип бериватқан 50 тәшкилатниң мәсуллири иштирак қилди. 2 Саәт давамлашқан йиғинда юқуриқи мәсилиләр тоғрисида музакирә елип берилип, бу һәқтә қарар мақулланди. Д у қ рәиси долқун әйса әпәнди бу һәқтә мәлумат бәрди.

Долқун әйса әпәнди д у қ ниң шәрқий түркистан аммивий тәшкилатлириниң қоллиши билән хитайға қарши елип барған паалийәтлириниң нәтиҗсидә хитайниң хәлқарада қейин вәзийәткә чүшүп қалғанлиқини, шуңа бу пәйтниң чәт әлдики шәрқий түркистанлиқларниң иттипақлишиш замани икәнликини тәкитлиди.

Йиғинда 4-июндин 7-июнғичә лондонда мустәқил “уйғур сот коллегийәси” ниң тунҗи сотиниң бихәтәрлик хизмәтлири тоғрисидиму музакирә елип берилған. Д у қ ниң муавин рәиси пәрһат муһәммиди әпәнди бу һәқтә мәлумат бәрди.

Дуня уйғур қурултийиниң чақириқи билән 2020-йили 26-март күни америка, канада, австралийә, японийә, түркийә, норвегийә, шиветсийә, финландийә, белгийә, фирансийә, шиветсийә, австралийә, германийә, әнглийә, голландийә, қазақистан, қирғизистан қатарлиқ дөләтләрдә актип паалийәт елип бериватқан уйғур тәшкилатлириниң қоллиши вә қатнишиши билән “шәрқий түркистан тәшкилатлар һәмкарлиқ мунбири” қурулғаниди. Мәзкур мунбәр һәр айда изчил һалда йиғин чақирип, нөвәттики муһим мәсилиләр тоғрисида музакирә елип бармақта вә ортақ қарарларни мақуллимақта.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.