Uyghur leghmini dunyadiki eng riqabetlik sheher-nyu-yorkta marka yaratmaqta

Amérikaning eng chong shehiri, shundaqla dunyawi chong sheher nyu-yorkta 50 ming etrapida ashxana-réstoran bar. Nyu-york shehirining xanish rayoni (Queens County), bu sheherdiki eng bay we eng awat rayon hésablinidu. Igilinishiche, mushu rayonning özidila chong-kichik bolup 10 mingdek réstoranning barliqi melum.

uyghurlagmanhouse.com

Nyu-yorkning mezkur rayonida buningdin 7 ay ilgiri échilghan “Uyghur leghmenxanisi” Uyghur Lagman House) ) nöwette keng xéridarlargha tonulup, shu rayondiki eng bésiq ashxanilarning birige aylanmaqta iken. Bu ashxanining leghmini dunyaning her qaysi jayliridin nyu-york shehirige sayahetke kelgen sayahetchiler we ijtima'iy taratqu cholpanliri teripidin choqum tétip körüsh tewsiye qiliniwatqan dangliq ta'amgha aylan'ghan. Ayighi üzülmey kéliwatqan xéridarlar mezkur ashxanining xojayini waris ablimit bilen bille süretke chüshüp, bu ashxanining mézillik ta'amlirini, bolupmu dangqi chiqqan leghminini maxtap, ijtima'iy taratqularda hembehirlimekte iken. Undaqta, dunyadiki eng riqabetlik sheherde we eng riqabetlik bu soda merkizide, Uyghur leghminining dangqini chiqiriwatqan “Uyghur leghmenxanisi” ning siri zadi nede?

Buninggha qiziqsingiz, yuqiridiki awaz ulinishidin muxbirimizning mezkur ashxanining xojayini waris ablimit bilen ötküzgen mexsus söhbitige qulaq salghaysiz.