Җәнвәдики б д т мунбиридә: “уйғур тәшкилатлири вәкиллири уйғур мәҗбурий әмгикигә даир һәрқандақ соалға җаваб беришкә тәйяр! ”

Берндин ихтиярий мухбиримиз һәбибулла изчи тәйярлиди
2023.11.29
duq-jenve-yighin-03

12-Қетимлиқ “сода вә кишилик һоқуқ мунбири” йиғиниға қатнашқан муһаҗирәттики уйғур тәшкилат вәкиллири вә мутәхәссисләр. 2023-Йили 28-ноябир, җәнвә RFA/Hebibulla

duq-jenve-yighin-06

Дуня уйғур қурултийи аяллар комитетиниң мудири зумрәтай әркин сөз қилмақта. 2023-Йили 28-ноябир, җәнвә RFA/Hebibulla

duq-jenve-yighin-04

Дуня уйғур қурултийиниң рәиси долқун әйса қатарлиқ муһаҗирәттики уйғур тәшкилат вәкиллири кәчлик сөһбәттә. 2023-Йили 28-ноябир, җәнвә RFA/Hebibulla

duq-jenve-yighin-02

Уйғур тәтқиқат институтиниң директори абдулһаким идрис, уйғур һәрикити тәшкилатиниң директори рошән аббас вә уйғур һәрикити тәшкилатидин сәркан таш биллә чүшкән хатирә сүрәт. 2023-Йили 28-ноябир, җәнвә RFA/Hebibulla

duq-jenve-yighin-01

Америка уйғур бирләшмиси рәиси әлфидар елтәбир, уйғур һәрикити тәшкилатидин сәркан таш вә уйғур кишилик һоқуқ қурулушидин петир әпәндиләр б д т йиғиниға қатнашқан көрүнүш. 2023-Йили 28-ноябир, җәнвә RFA/Hebibulla

duq-jenve-yighin-07

Бирләшкән дөләтләр тәшкилатиниң 12-қетимлиқ “сода вә кишилик һоқуқ мунбири” йиғиниға қатнашқан муһаҗирәттики уйғур тәшкилат вәкиллири вә мутәхәссисләр. 2023-Йили 28-ноябир, җәнвә RFA/Hebibulla

duq-jenve-yighin-08

Бирләшкән дөләтләр тәшкилатиниң 12-қетимлиқ “сода вә кишилик һоқуқ мунбири” йиғиниға қатнашқан муһаҗирәттики уйғур тәшкилат вәкиллири вә мутәхәссисләр. 2023-Йили 28-ноябир, җәнвә RFA/Hebibulla

Бирләшкән дөләтләр тәшкилатиниң җәнвәдики баш шитабида ечиливатқан 12-қетимлиқ “сода вә кишилик һоқуқ мунбири” йиғини давам қилмақта.

 Бу йиғинға дуня уйғур қурултийи, америка уйғур бирләшмиси, уйғур кишилик һоқуқ қурулуши, уйғур һәрикити қатарлиқ муһаҗирәттики уйғур тәшкилатлири, шундақла бир қисим паалийәтчиләр қатнашти.

Йиғинниң иккинчи күни чүштин кейин дуня уйғур қурултийи аяллар комитетиниң мудири зумрәтай әркин ханим сөз қилди. У сөзидә, хитайниң шәрқий түркистандики зулуми давам қиливатқан, уйғур хәлқи милләт сүпитидә зиянкәшлик учраватқан бундақ бир пәйттә, хитай һөкүмитиниң уйғурларға қаратқан бастуруш сияситини өзгәртишни сақлап турушқа болмайдиғанлиқини, бундақ бир күтүшниң бир милләтниң йоқ болушиға тамашибин сүпитидә қарап турғанлиқ болидиғанлиқини алаһидә әскәртти.

Зумрәтай әркин ханим мундақ деди: “мәлум болғинидәк, хитайниң күнтахтадин токлуқ машиниларғичә, кийим-кечәк вә йемәк-ичмәк түридин електиронлуқ мәһсулатларғичә болған 17 саһәдә уйғур мәҗбурий әмгикини қоллиниватқанлиқини һәммимиз билимиз, булар дәлил-пакитлири билән испатланди. Шуңа бу мәҗбурий әмгәккә четилған ширкәтләр дәрһал қул әмгики зәнҗиридин ваз кечиши, чәт әл ширкәтлири шәрқий түркистандин дәрһал айрилиши, шундақла бирләшкән дөләтләр тәшкилати сода вә кишилик һоқуқ комитетиниң чиқарған бу һәқтики қарарлириға шәртсиз бойсунуши керәк. Бу йиғинға қатнашқан уйғур тәшкилатлириниң вәкиллири бу һәқтики һәрқандақ муназирә вә соалларға җаваб беришкә тәйярдур” .

Йиғинниң 2-күни күни кәчтә җәнвәдики хан җәмәти меһманханисида “сода дунясида пиланлиқ кишилик һоқуқ давалириниң дөләт органлириға тәсири” дегән темида мәхсус кәчлик сөһбәт уюштурулди. Бу сөһбәткә дуняниң һәр қайси җайлиридин кәлгән дипломатлар вә сиясий паалийәтчиләр иштирак қилди. Бу җәрянда долқун әйса башчилиқидики уйғур тәшкилатлириниң вәкиллири һәр қайси дөләтләрдин кәлгән дипломатлар вә сиясәтчиләр билән айрим-айрим сөзлишип, улардин келәр қетимқи хитайниң кишилик һоқуқ әһвалини тәкшүрүш йиғинида уйғурларни қоллап аваз чиқиришини тәләп қилди.

Бу йиғинға уйғур кишилик һоқуқ қурулушидин петер ирвин әпәндиму қатнашқан болуп, у соалимизға язма җаваб әвәтип мундақ деди: “бу йиғинға қатнашқан уйғур тәшкилатлири вәкиллири, хәлқара әмгәк тәшкилати әзалири вә һөкүмәтләр, б д т мәсуллири билән көрүшүп, көп хил йоллар билән хитайға бесим ишлитиш арқилиқ уйғур мәҗбурий әмгикини ахирлаштуруш үчүн тиришчанлиқ көрсәтти” .

29-Ноябир, йәни бүгүн чүштин бурунқи йиғинни түгитип чиққан уйғур һәрикити тәшкилатиниң хадими сәркан таш әпәндиму зияритимизни қобул қилип, бүгүн чүштин бурунқи йиғинда оттуриға қоюлған пикир-тәклипләр һәққидә мәлумат бәрди.

Бу қетимқи йиғинда хитайниң хоңкоң вә уйғур районидики бастурушлири, кишилик һоқуқ дәпсәндичиликлири, кишилик һоқуқ паалийәтчилирини тутқун қилиш вә уларға тәһдит селиш қатарлиқ мәсилиләрму оттуриға қоюлған.

Дуня уйғур қурултийи, америка уйғур бирләшмиси, уйғур кишилик һоқуқ қурулуши, мәркизи америкадики уйғур тәтқиқат институти вә америкадики атлантес адвокатлар җәмийити кишилик һоқуқ ишлири бөлүми, шундақла коммунизм қурбанлири хатирә сарийиниң тәтқиқатчиси адреан зенз әпәндиләрниң җәнвәдики паалийити йәнә бир нәччә күн давам қилидикән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.