Türkiye yashlar we tenterbiye ministiri: Uyghur yashliri milletning kélechiki üchün yaramliq kishilerdin bolup yétishishi kérek

Istanbuldin ixtiyariy muxbirimiz arslan teyyarlidi
2023.08.24
Turkiye-dala-paaliyiti-00

Türkiye tenterbiye we yashlar ministirliqining mu'awin ministiri doktor enes imin'oghlu (ongdin ikkinchi kishi) Uyghur yash-ösmürliri bilen dala pa'aliyitide, 2023-yili 21-awghust, türkiye, manisa RFA/Arslan

Turkiye-dala-paaliyiti-000

Türkiye tenterbiye we yashlar ministirliqining mu'awin ministiri doktor enes imin'oghlu (aldi rettin ongdin ikkinchi kishi) Uyghur yash-ösmürliri bilen dala pa'aliyitide, 2023-yili 21-awghust, türkiye, manisa RFA/Arslan

Turkiye-dala-paaliyiti-01

Uyghur yash ösmürlerning manisa shehiride otküzülgen dala pa'aliyiti körünüshliri, 2023-yili 21-awghust, türkiye, manisa RFA/Arslan

Turkiye-dala-paaliyiti-02

Uyghur yash ösmürlerning manisa shehiride otküzülgen dala pa'aliyiti körünüshliri, 2023-yili 21-awghust, türkiye, manisa RFA/Arslan

Turkiye-dala-paaliyiti-03

Uyghur yash ösmürlerning manisa shehiride otküzülgen dala pa'aliyiti körünüshliri, 2023-yili 21-awghust, türkiye, manisa RFA/Arslan

Turkiye-dala-paaliyiti-04

Uyghur yash ösmürlerning manisa shehiride otküzülgen dala pa'aliyiti körünüshliri, 2023-yili 21-awghust, türkiye, manisa RFA/Arslan

Turkiye-dala-paaliyiti-05

Uyghur yash ösmürlerning manisa shehiride otküzülgen dala pa'aliyiti körünüshliri, 2023-yili 21-awghust, türkiye, manisa RFA/Arslan

Turkiye-dala-paaliyiti-06

Uyghur yash ösmürlerning manisa shehiride otküzülgen dala pa'aliyiti körünüshliri, 2023-yili 21-awghust, türkiye, manisa RFA/Arslan

Turkiye-dala-paaliyiti-07

Uyghur yash ösmürlerning manisa shehiride otküzülgen dala pa'aliyitidiki qarigha étish meshqi körünüshliri, 2023-yili 21-awghust, türkiye, manisa RFA/Arslan

Turkiye-dala-paaliyiti-08

Uyghur yash ösmürlerning manisa shehiride otküzülgen dala pa'aliyitidiki qarigha étish meshqi körünüshliri, 2023-yili 21-awghust, türkiye, manisa RFA/Arslan

Merkizi istanbuldiki “Sherqiy türkistan yéngi nesil herikiti” ning uyushturushi bilen türkiyediki Uyghur yashliri manisa shehiridiki bir ormanliqta üch künlük dala pa'aliyiti élip barghan.

8‏-Ayning 20‏-künidin 22‏-künigiche üch kün dawamlashqan bu dala pa'aliyitige istanbul we konya qatarliq sheherlerde toluqsiz we toluq ottura mekteplerde oquwatqan Uyghur yashliridin 125 neper yash-ösmür qatnashqan.

Bu qétimliq dala pa'aliyiti jeryanida. Türkiye tenterbiye we yashlar ministirliqining mu'awin ministiri doktor enes imin'oghlu Uyghur yash-ösmürliri bilen körüshken we söhbet élip barghan. U, bu körüshüshte Uyghur yashlirining milletning kélechiki üchün yaxshi oqup yétiship chiqishini ümid qilidighanliqini bildürgen.

 “Sherqiy türkistan yéngi nesil herikiti” ning re'isi, doktorant abdusalam teklimakan bu heqte ziyaritimizni qobul qildi. Uning bildürüshiche, pa'aliyet jeryanida Uyghur yashliri öz'ara tonushush, ormanliqta piyade yürüsh, oqya étish, su üzüsh, putbol musabiqisi we her türlük tenterbiye oyunlirini oynash, shundaqla bu pa'aliyetke qatnashqan yash-ösmürlerge sherqiy türkistan tarixiy, jughrapiyesi we hazirqi ehwali toghrisida lékisiye sözlesh pa'aliyetliri uyushturulghan.

Abdusalam teklimakan, bu pa'aliyetni uyushturushtiki asas meqsetning Uyghur yash-ösmürlirini bir yerge jem qilip öz'ara tonushturush, dostluq ornitish, munasiwetni qoyuqlashturush, milliy kimlikini eslitish, shundaqla ularning kélechekte sherqiy türkistan dewasigha ige chiqidighan ang-chüshenche boyiche terbiyelinishige türtke bolushtin ibaret ikenlikini tekitlidi.

Ministir enes imin'oghlu Uyghur yash-ösmürlirige söz qilip mundaq dégen: “Shuni isimizdin chiqarmasliqimiz kérekki, biz türkiye jumhuriyiti bolush süpitimiz bilen sherqiy türkistan mesilisige yéqindin köngül bölimiz. Biz her waqit sherqiy türkistanliq qérindashlirimizning yénida bolimiz, ular bilen her waqit yéqin munasiwet qurup kéliwatimiz, silerdek yashlarni mushundaq dala pa'aliyiti merkezliride kütüwélip, sahibxanliq qilishni xalaymiz. Zulumgha uchrawatqan mezlum xelqler duch kéliwatqan qiyin mesililerning hel bolush ümidi türkiyedur, shuning üchün biz her zaman zulumgha uchrawatqanlar sherqiy türkistan xelqining yénida turushni dawamlashturimiz. Xudayim buyrusa, sherqiy türkistan choqum erkinlikke érishidu, biz buninggha ishinimiz, buning üchün hem du'a qilimiz hem emeliy xizmetlerni ishleshni dawamlashturimiz. Hörmetlik jumhur re'isimiz tesis qilghan türkiye jumhuriyitining 100 yilliqi pilani, pütün türkiy jumhuriyetliriningmu 100 yilliq xatirisi bolidu.”

Ministir enes imin'oghli sözining axirida Uyghur yashlirining keypiyatini yuqiri tutushi kéreklikini tekitlidi. U, türkiye tenterbiye we yashlar ministirliqining qarmiqidiki her qaysi yashlar merkezliri hemde dala pa'aliyiti orunlirining her waqit Uyghur yashliri üchün uchuq ikenlikini bildürdi.

Bu qétimliq dala pa'aliyitige qatnashqan muhemmed ötkür isimlik Uyghur yash özining 11‏-‏sinipta oquydighanliqini bildürüp, mundaq dédi: “Bu pa'aliyet bek tesirlik boldi. Méningche, 10 yildin kéyinmu dostlirim bilen esliship turidighan untulghusiz bir dala pa'aliyiti boldi, bu guruppida ilgiri özüm tonuydighan dostlirim bar idi, hazir yene yéngidin tonushqan dostlirimmu boldi.”

Imran taymas isimlik yash özining bu yil aliy mektepke ötkenlikini, bu qétimliq dala pa'aliyitige qatniship köpligen tesiratlargha érishkenlikini, Uyghur yashlirining birlikte pa'aliyet élip bérishning intayin muhimliqini chüshinip yetkenlikini bildürdi.

11‏-Sinip oqughuchisi alimjanmu ziyaritimizni qobul qilip, özining bu qétimliq dala pa'aliyitidin alghan mol tesiratlirini bayan qilip ötti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.