Хитай уйғур елидики 20‏- април вәқәсиниң тәпсилатини тунҗи қетим ашкарилиди


2006.08.09
Share on WhatsApp
Share on WhatsApp

Хитай мәтбуатлирида йеқинда, 1998‏- йили 20‏- април күни йүз бәргән сақчилар билән миллий мустәқилчилири оттурисидики қораллиқ тоқунуш вәқәсиниң тәпсилати тунҗи қетим ашкарә елан қилинған.

"Шинҗаң пайтәхт гезити" вә хитай хәвәр торлирида елан қилинған мақалида, 20‏- април вәқәсиниң алди-арқа көрүнүши тәпсилий тәсвирлинип, бу вәқә, хитайниң террорчилиққа қарши көрәш тарихидики әң даңлиқ вәқә дәп көрситилгән.

Униңда 1997‏- йили 12‏- айдин башлап қолға чүшүргән йип училириға асасән, 1998‏- йили 4‏-айниң 20‏- күни ғулҗа наһийисиниң худиярйүзи йезисидики тийипҗанниң өйигә икки әтрәт хитай сақчилириниң бастуруп киргәнлики, тийипҗан вә һаммад әмәт исимлик йәнә бир уйғур сақчилар билән ахириғичә қораллиқ тоқунушуп бир хитай сақчини етип өлтүргәнлики вә ахирида уларниңму сақчилар тәрипидин етип өлтүрүлгәнлик җәрянлири тәпсилий йезилған.

Илгири хитай даирилири гәрчә бу вәқәни чоң бир қетимлиқ қорал йөткәш вәқәсини паш қилғанлиқи һәққидә тилға елип өткән болсиму, лекин вәқә җәрянини бундақ тәпсилий чүшәндүрмигән иди. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.