Kiristofér simis, xitay da'irilirining Uyghurlargha qaritilghan nezerbend qilish siyasitini eyiblidi

12 - Séntebir amérika dölet mejlisi rayburn sariyining altun zalida, béyjing olimpikidin kéyinki xitaydiki kishilik hoquq ehwali toghrisida bir muhakime yighini chaqirilghan bolup, yighin'gha asiya ellirige tewe nurghunlighan kishilik hoquq jem'iyetlirining rehberliri teklip qilin'ghan. Yighin'gha amérikidiki Uyghur teshkilatimu qatnashti.
Muxbirimiz jüme xewiri
2008-09-15
Share

 Yighin'gha amérika dölet mejlisi ezaliridin frank wolf, kiristofér simis, éd royis, lorétta sanshez qatarliqlar qatnashti.

Bu yil iyulda xitayning olimpik wedisini aqlash derijisini közdin kechürüsh üchün béyjinggha bérip kelgen dölet mejlisi ezasi kiristofér simis, xitay da'irilirining Uyghur rayonida Uyghur musulmanlargha qaritilghan nezerbend qilish we közitishni olimpiktin kéyinmu ilghar téxnikiliq üskünilerdin paydilinip élip bériwatqanliqini otturigha qoydi.

Uyghur milliy herikitining yétekchisi we dunya Uyghur qurultiyining re'isi rabiye qadir xanimgha wakaliten mezkur yighin'gha qatnashqan Uyghur amérika birleshmisi xadimi eymiy xénim, xitay hökümitining olimpiktin kéyin kontrol qilish we cheklesh ishlirini nuqtiliq halda Uyghur yash - ösmürlerge qaratqanliqini misallar bilen otturigha qoyup yighin ehlining diqqitini tartti.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet