Altay we turpanda yüz bergen apette qaza qilghanlar sani köpeymekte


2006.07.06
Share on WhatsApp
Share on WhatsApp

Uyghur diyarining köpligen jaylirida yüz bergen yamghur api'itidin meydan'gha kelgen lay - latqa sérilish netijiside, qaza qilghan adem sani 19 gha yetken.

Xitay xewer agéntliqining 6 ‏- iyul künidiki xewirige qarighanda, ili wadisi boyidiki rayonlar éghir derijide yamghur apitige duch kélip, toqquztara nahiyisidiki tagharsin jilghisida yüz bergen kelkün ikki déhqan a'ilisini éqitip kétip, 4 kishining ölümini meydan'gha keltürgen. Apette qaza qilghanlarning hemmisi balilar bolup, chongi 15 yashta, kichiki 5 yash iken.

Peqet , toqquztara nahiyiside bu qétim yüz bergen apette ziyan'gha uchrighan adem sani 2400 din ashidiken. Apette 800 modin artuq térilghu meydani weyran qilin'ghandin sirt, 1000 din artuq charwa malni öltürgen. Buningdin kélip chiqqan iqtisadiy ziyan 1 milyon yüendin éship ketken.

Bu arida , bay nahiyiside yüz bergen kelkünde , gherbning néfitini sheriqqe yötkesh qurulushining asasliq gaz énérgiyisi qismi buzghunchiliqqa uchrap bir adem ölgen.

Mezkür apette yene, turpanda taghdin éqip chüshken lay - latqa , tash yol we tömür yollarni buzuwetkendin sirt, 10 ademning ölümige 5 ademning iz - déreksiz yoqap kétishige seweb bolghan.

Altay rayonida yüz bergen lay - latqa sérilish weqeside bolsa 5 neper charwichi ölüp, hazirgha qeder 5 ademning iz - dériki yoq iken. (Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.