Д у қ, хитай һөкүмитиниң рамизан һарписида уйғурлар үстидин динний бастурушини күчәйткәнликигә наразилиқ билдүрүп баянат елан қилди

 Д уқ ниң баянатчиси дилшат ришитниң билдүрүшичә, һәр йилдикигә охшаш хитай даирилири мусулманларниң роза тутидиған мубарәк рамизан ейи келиши билән, уйғур елиниң һәр қайси җайлирида уйғурларниң роза тутушини чәкләйдиған йәрлик түзүмләрни бекитип, дөләт кадирлири, партийә әзалири оқутқучи оқуғучиларниң роза тутушини қаттиқ чәкләпла қалмай, йеқинда йәнә һәр қайси асасий қатламдики кадирларға мәхсус йиғин ечип, уйғур кадирларниң роза тутушиниң мәний қилинидиғанлиқини, әгәрдә түзүмгә хилаплиқ қилса җазалинидиғанлиқини уқтурған һәмдә динний паалийәтләргә қатнашмаслиқи һәққидә вәдинамә яздурған.

Дилшат ришитниң дуня уйғур қурултийиниң атуштин игилигән учурлириға асасән билдүрүшичә, қизилсу даирилири һәтта уйғур ресторан, тамақханилириниң рамизан ейида содисини тохтатмаслиқ һәққидә уқтуруш чүшүргән вә бу һәқтә уйғур хоҗайинларни даириләр түзгән тохтам, һөҗҗәтләргә қол қойдурған.

Дилшат ришит радиомиз вә башқа ғәрб мәтбуатлириға бәргән баянатида "хитай һөкүмити ташқи дуняға инсаний һәқ һоқуқ һәмдә динний әркинликкә һөрмәт қилимиз дәп тәшвиқ қилип әмәлийәттә болса уйғурлар үстидин динний вә миллий шундақла сиясий җәһәтләрдики бастуруш һәрикәтлирини очуқ ашкара һалда давамлаштуруп кәлди, рамизан ейида уйғурларниң роза тутушини түрлүк усуллар билән қаттиқ чәкләватқанлиқиниң өзи, хитай коммунист һөкүмитиниң динний әркинликкә һөрмәт қилмайдиғанлиқиниң ениқ испати" дәп билдүрди.