D u q 2‏ - nöwetlik Uyghur rehberlirini démokratiye we xelq'ara qanun buyiche terbiyilesh kursi bérlinda bashlandi

Dunya Uyghur qurultiyi,wakaletsiz milletler teshkilati we amérikining démokratiyini ilgiri sürüsh fondi jem'iyiti birlikte teshkilligen, 2 - nöwetlik Uyghur rehberlirini démokratiye we xelq'ara qanun buyiche terbiyilesh kursi 2008 ‏ - yili 4 ‏ - ayning 21 ‏ - küni gérmaniyining paytexti bérlin shehiride bashlandi.
Muxbirimiz ömer qanat xewiri
2008-04-22
Share

 Kursining échilish murasimigha, amérika, kanada, awstraliye, qazaqistan, gérmaniye fransiye, norwégiye, türkiye we asiya döletliridin bolup 13 dölettin kelgen Uyghur we xelq'araliq kishilik hoquq teshkilatliri mes'ulliri, kishilik hoquq mutexessisliri, tonulghan siyasiyonlar we shuningdek gérmaniye tashqi ishlar ministirliqining xadimliri,gérmaniyidiki nopuzluq radi'o téléwiziye,gézit, zhornallarning muxbirliri bolup 100 din artuq kishi qatnashqan.

Uyghur milliy herikitining yétekchi we dunya Uyghur qurultiyining re'isi, rabiye xanim kursining échilish murasimida söz qilip, bu kursining yene bir qétim échilghanliqini tebriklesh bilen bir waqitta bu qétimqi Uyghur rehberlirini démokratiye we xelq'ara qanun buyiche terbiyilesh kursini teshkilleshke yardem qilghan her qaysi kishilik hoquq teshkilatliri, démokratiyini ilgiri sürüsh organliri,munasiwetlik mutexessis we shexslerge hemde bu kursqa qatnishish üchün yiraq ellerdin kelgen kurs qatnashquchilirigha we Uyghur mesilisige köngül bölüwatqan her qaysi orunlargha rehmet éytip, kursining ghelibilik bolushigha tilekdashliq bildürdi.

2‏ - Nöwetlik Uyghur rehberlirini démokratiye we xelq'ara qanun buyiche terbiyilesh kursi, 4 ‏ - ayning ‏‏ 23 ‏ - küni axirlishidu.
Birinchi qétimliq kurs 2007 ‏ - yili 6 ‏ - maydin 11 ‏ - mayghiche gollandiyining déhn ha'ag shehiri we bélgiyining paytexti biriyuksélda ötküzülüp nahayiti yaxshi netijiler qolgha keltürülgen idi.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet