Ghulja shehiri j x idarisi saqchiliri Uyghurlarning öylirini axturmaqta

Dunya Uyghur qurultiyi teminligen melumatlargha qarighanda, nöwette ghulja shehiri j x idarisi ghulja shehiridiki nuqtiliq orunlarda keng kölemlik tekshürüshni qanat yaydurghan bolup, bu jeryanda toghraq yézisi we üch derwaza saqchixanisigha biwasite qarashliq kocha we ahale komitétlarda tepsiliy axturup tekshürüsh herikiti élip barghan.
Muxbirimiz jüme xewiri
2008.07.17

 Dunya Uyghur qurultiyi bayanatchisi dilshat rishitning ili oblastliq j x idarisi qisqa xewerler gézitide bu heqte bérilgen xewerdin neqil élip körsitilishiche, yuqiriqi rayonlarda bir ming ikki yüz a'ile ustidin axturup tekshürüsh élip bérilghan bolup, tekshürülgen adem sani üch mingdin éship ketken.

Melum bolushiche, tekshürüsh 5 - iyuldin 7 iyulghiche, etigen sa'et yettiler etrapida élip bérilghan bolup 38 adem tekshürüsh jeryanida jazagha tartilghan hemde tutup turush orunlirigha élip kétilgen.

Dilshat rishitning bildürüshiche, ghulja shehiride bu nöwet élip bérilghan axturushta, memuri jaza bérilip turup turush orunlirigha élip kétilgenler 100din éship ketken bolup, bular taki olimpik axirlashqiche tutup turulushi mumkin iken.

Bu heqte toxtalghan dilshat rishit: " bu olimpik yighini aldidiki Uyghurlarning kishilik hoquqining izchil depsende qiliniwatqanliqi hemde Uyghur kishilik hoquq ehwalining barghanche nacharliship bériwatqanliqining simwoli" dep körsetti.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.