"Биз бу делони шундақла болди қилмаймиз "


2007-04-20
Share

‏19 ‏- Април канада пуқраси уйғур сиясий паалийәтчи һөсәйин җелил хитайда муддәтсиз қамақ җазасиға һөкүм қилинған иди. Шуниңдин кейин канада тәрәп бу ишқа қарита һәрхил инкасларни қайтурушқа башлиди.

Канада натионал пост гезитидә 20 ‏- април берилгән хәвәрдин мәлум болушичә, мәзкур хәвәрни һөсәйин җелилниң аяли камилә ханимға үрүмчидә һөсәйин җелил билән көрүшүш истикидә сақлаватқан канаданиң хитайда турушлуқ әлчихана хадимлири йәткүзгән.

Бу хәвәр камилә ханимни интайин чүчүткән. Камилә ханим мундақ дәйду: "адил болмиған. Лекин, мән у канадаға, өйгә қайтип кәлгүчә үмидимни узмәймән".

Әмма, канада ташқи ишлар министири, пәтәр мккай ниң бу нөвәтлик хитай зияритидә һөсәйин җелил мәсилисини оттуриға қойидиғанлиқи тоғрисида вәдә берип урған телефони камилә ханимниң һиҗранлиқ қәлбигә умид нури ата қилған.

Хәвәрдә қәйт қилишичә, сиясий паалийәтчи һөсәйин җелил өзбекистанда қолға елинғандин буян оттава- бейҗиң мунасивәтлиригә дәз кәткән.

"Биз бу делони шундақла болди қилмаймиз " дәйду канада ташқи ишлар министири пәтәр меккай. Униң билдүрүшичә йәнә, һөсәйин җелил делоси канада ‏- хитай мунасивәтлиригә муәййән тәсир көрситидикән.

Бейҗиң петр меккайни хитайда 3 күн зиярәттә болуш җәрянида һөсәйин җелил мәсилисини тилға алмаслиқ һәққидә аллибурун агаһландурған. Хитай ташқи ишлар министирлиқи баянатчиси "биз канаданиң бу ишни көтүрүп чиқип дөлитимизниң ичкий ишлириға арилашмаслиқини үмид қилимиз. Канада һөсәйин җелил делосиниң пүтүнләй хитайниң ичкий иши икәнликидин ибарәт мәвқәсини ениқ чүшиниш керәк" дегән.

Һөсәйин җелил кесими елан қилинип сотханидин ялап елип чиқип кетилиш җәрянида анисиға "буларниң һәммиси ялған. Һечқайсиси раст әмәс. Баям оқуп өтүлгән һөкүмнаминиң һечнемисини қобул қилмаймән " дәп хитаб қилған.

Сот вә һөкүм елан қилишқа қатнишишқа бейҗиңдин үрүмчигә кәлгән канада әлчихана хадимлириниң сотқа кириши рәт қилинған. (Җүмә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт