Paxta tergüchiler Uyghur élide 1 milyard 600 milyon som pul tapti

Tengritagh tor bétining 19 - dikabir küni bergen xewirige asaslan'ghanda, bu yil Uyghur élining paxta omumi mehsulati 1 milyon 900 ming tonnigha yétishi mölcherlen'gen bolup, bu pütün xitay paxta omumi mehsulatining üchtin birini, dunya paxta omumi mehsulatining toqquzdin birini igileydiken.

Paxta bahasining özlüksiz örlishige egiship, paxta térish heqqimu tedrijiy örligen. Mölcherlinishiche, bu yil pütün Uyghur élide 1 milyon paxta tergüchi paxta térish qoshunigha qatnashqan bolup, ular qisqighine ikki ayda 1 milyard 600 milyon som kirim qilghan.

Uyghurlarning bildürüshiche, bu kirimning asasliq qisimi her yili paxta térish mezgilide, xitayning ichkiri ölkiliridin paxta térish üchün Uyghur éligha kélidighan xitay pesillik ishchilirining yanchuqigha kiridiken.

Aptonom rayonluq hökümet paxta térishta ishlesh üchün Uyghur éligha kélidighan xitay pesillik ishchilirining ish heqlirining xitay ishchilirigha waqtida tölinishi üchün alahide köngül bölidiken. Emma paxta térish ishida ishlesh purstige érisheligen Uyghurlar ish heqqini élishta nurghun qiyinchiliqlargha duch kélidiken. (Qanat)