Amérika PBS téléwiziyisi Uyghurlar heqqide mexsus programma ishlidi


2005.01.12

Amérika PBS téléwiziyisi seyshenbe küni kechte Uyghurlar heqqide ishligen mexsus programmisini körsitip, Uyghurlarning hayati we kommunist xitay kontrolluqidiki Uyghurlarning nöwettiki weziyitini tonushturdi.

Mezkur programma aptori pbs téléwiziye istansisining muxbiri sirin fang (Serene Fang) Uyghur élining qeshqer, ghulja we ürümchi qatarliq jaylirigha qilghan sepiride öz közi bilen körgenliri, anglighanliri we hés qilghanlirigha asasen Uyghurlar heqqidiki bu programmisini intayin tesirlik ishlep chiqqan bolup, bu tamashibinlarning qizghin alqishigha érishti.

Sirin fangning bu programmisida kishini eng tesirlendüridighini, méhmanxanigha uning bilen körüshüshke kelgen ghuljidiki bir balining xitay bixeterlik xadimliri teripidin qolgha élinip, shundin béri iz- dériki tépilmighanliqi boldi. Aptor buni eslep ötkende hetta közlirige yash élip, özining peqet zhornalist bolush süpiti bilen bu Uyghur bilen söhbetleshkenlikini, uning bundaq künlerge qalidighinini baldur bilgen bolsa, özining hergizmu bu kishi bilen körüshmeydighanliqini bildürdi. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.